Нэшъукъуае щыщ кIалэу илъэс 24-рэ Францием къулыкъу щызыхьыгъэу, щыпсэущтыгъэ КIыкI Аслъан ыцIэкIэ сэтхы.

ЩыIэныгъэм зы лъагъо пфыхехы, Аслъан, ЗанкIэу ащ утетэу о къэохьы. Чэщ мычъыеу тхьапша ипхыгъэр, къысаIу? Тыгъэм инурэу унитIу кIосагъэ, Аслъан.

Зэо мэшIошхор уипсэукIагъэгущэти, КъыптекIон щыIэу сэ сымышIагъ. Хьадэгъур мыщ къыщыуажэти, УкъакIуи, тыбгъэунэхъугъ.

«Шъэжъыер пыим сакIыб къыхисэмэ, ЛIыгъэр чIэсынагъэу угу къимыгъахь»» — Гугъэузэу къысапIощтыгъэгущэр ЕгъашIэми сщымыгъупшэн.

УщыIэ пшIоигъоу угуIэгущэзэ, Уихэгъэгу, Аслъан, укъэкIуагъ. Аджалэу къэпхьыжьыгъэгущэм Iэзэгъуи къыфамыгъот.

ТхьамыкIагъоу о къыохъулIагъэгущэм, Уянэ шъузабэри зэхегъаф. Ижъышъхьэм ар зыхэплъагъэр ЩэIэфэ щымыгъупшэн.

Уи Франциеу уадэжь гущэри, ГъашIэми умылъэгъужь. Уисабыйхэу ащ къиунагъэхэр Узышхошъ, тыгуи ефыз.

УидэкIыжьыкIэ тхьамыкIэгъошхо гущэба, ЕгъашIэм тыгум уилъын, Гугъэузэу уибэны лъагэми Уигупсэхэр зэкIэ кIэрыс.

Хьадрыхэ хабзэ щыIахэмэ, Джэнэтыр о къыуерэпэс, Рустамэу уянэ къылъфыгъэри ГушIоуи къыппэгъокIын.

УщымыIэжьми, сэшIэ, сызэхэохы, Сыфэягъ утетынэу дунаижъ хьафым. Нэпсы щыугъэр сынэгу къечъэхы, Уиахърэт дэхэнэу Тхьэми селъэIу.

Зэрамыку (ХъуакIо) Фатим.

Мыекъуап.