Адыгэкъалэ пэмычыжьэу пшъэдэкIыжьэу ыхьы­рэм­кIэ гъунэпкъэ гъэнэфагъэ зиIэ обществэу «Спецрыбзавод» зыфиIоу щытым ипсэуалъэ чэщым хэбзэнчъэу зэрэдэхьагъэхэм икъэбар хэбзэ­у­хъумэкIо къулыкъухэм къаIэкIэхьагъ.

Мы чIыпIэм по­лицием исержантхэу псынкIэу къэсыгъэхэ Iэ­шъынэ Салбыйрэ ХъокIо Амиррэ зэ­рагъэунэфыгъэмкIэ, предприятием хэбзэнчъэу нэбгыритIу дэ­хьагъ.

Ахэм хъытыур ыкIи къухьэ цIыкIур къызфагъэфедэзэ псыубытыпIэм пцэжъые ки­лограмми 120-м ехъу къыхадзыгъ.

БзэджашIэхэр къаубытыгъэх, Iофыр зэхафы.