ТхылъыпIэ пыдзафэхэр шъхьафэу угъоигъэнхэм фы­тегъэпсыхьэгъэ пкъыгъохэм ягъэуцун фежьа­гъэх компаниеу «ЭкоЦентрэм» икъулыкъушIэхэр.

— Мыщ дэжьым пшъэрылъ шъхьаIэу тиIэр пыдзафэхэм якъы­дэгъэкIыжьын иIофыгъо организациехэм анаIэ тырадзэныр ыкIи чIыопсыр къэухъумэгъэным фэщэгъэнхэр ары. Мыщ фэдэ шIыкIэм ишIуа­гъэкIэ пыдзафэхэм язэ­хэдзын нахь Iэры­фэгъу хъущт. Непэрэ мафэм ехъулIэу тхылъыпIэ пыдзафэхэм яугъоин епхыгъэ IофшIэным тикъулы­къушIэхэр чанэу хэлэжьэнхэу рагъэжьагъ, — къыIуагъ пшъэдэ­кIыжьэу ыхьырэмкIэ гъунэпкъэ гъэнэфагъэ зиIэ обществэу «ЭкоЦентрэм» и Адыгэ шъо­лъыр къутамэ ипащэу Алыбэрд Налбый.

ИщыкIагъэм фэдиз тхылъыпIэжъхэр шъо­лъыр операторым зи­угъоикIэ, ар икIэрыкIэу къыдэзыгъэкIы­жьыщт компанием Iэ­кIигъэхьащт.

А пыдзафэхэр зэрадзэщтхэ пкъыгъохэр предприятиехэм, бюджет организациехэм, еджэпIэ учреж­дениехэм ащагъэуцущтых. Шъолъыр опе­раторым ащ фыте­гъэ­псыхьэгъэ пкъыгъо 200 къызIэкIигъэхьагъ.