Адыгэ Республикэм щыпсэухэрэм ащыщхэу зыныбжь илъэс 60 хъугъэхэу коронавируснэ инфекциякIэм пэшIуекIорэ вакцинэр зыхязыгъэлъхьагъэхэм 2021-рэ илъэсым зэтыгъо ахъщэ IэпыIэгъу ятыгъэным ехьылIагъ

Узым зимыушъомбгъуным фэшI Адыгэ Республикэм иминистрэхэм я Кабинет унашъо ышIыгъ:

1. Адыгэ Республикэм щыпсэухэрэм ащыщхэу зыныбжь илъэс 60 хъугъэхэу коронавируснэ инфекциякIэм пэшIуе­кIорэ вакцинэр зыхязыгъэлъхьагъэхэм 2021-рэ илъэсым зэтыгъо ахъщэ Iэпы­Iэгъоу сомэ 500 ятыгъэнэу.

2. Адыгэ Республикэм щыпсэухэрэм ащыщхэу зыныбжь илъэс 60 хъугъэхэу коронавируснэ инфекциякIэм пэшIуе­кIорэ вакцинэр зыхязгъэлъхьагъэхэм 2021-рэ илъэсым зэтыгъо ахъщэ IэпыIэгъоу аратыщтыр зэраIэкIагъэхьащт шIыкIэр гуадзэм диштэу ухэсыгъэнэу.

3. Адыгэ Республикэм финансхэмкIэ и Министерствэ Адыгэ Республикэм щыпсэухэрэм ащыщхэу зыныбжь илъэс 60 хъугъэхэу коронавируснэ инфек­циякIэм пэшIуекIорэ вакцинэр зыхязыгъэлъхьагъэхэм 2021-рэ илъэсым зэтыгъо ахъщэ IэпыIэгъоу аратыщтыр Адыгэ Республикэм изакон гъэнэфагъэ къызэрэдилъытэрэм тетэу Адыгэ Рес­публикэм иреспубликэ бюджет икъэ­кIуапIэхэм къахигъэкIынэу.

4. Официальнэу къызыхаутырэ мафэм щыублагъэу мы унашъом кIуачIэ иIэ мэхъу.

Адыгэ Республикэм и Премьер-­министрэ ипшъэрылъхэр ­пIэлъэ гъэнэфагъэкIэ зыгъэцакIэу Сапый Вячеслав къ. Мыекъуапэ, мэкъуогъум и 16, 2021-рэ илъэс N 104