Санитар-эпидемиологие лъэныкъомкIэ Адыгэ Республикэм иIофхэм язытет фэгъэхьыгъэ къэбарым зедэIухэ ыкIи зытегущыIэхэ нэуж, щэфакIохэм яфитыныгъэхэр къызэраухъумэрэм лъыплъэрэ Федеральнэ къулыкъум Адыгэ Рес­публикэмкIэ и ГъэIорышIапIэ игъоу ылъэгъугъэхэр, оперативнэ штабым изэхэсыгъо къыща­Iуагъэхэр IэубытыпIэ къызыфишIыхэзэ, оперативнэ штабым унашъо ышIыгъ:

1. Адыгэ Республикэм и ЛIы­шъхьэрэ Адыгэ Республикэм иминистрэхэм я Кабинетрэ я Администрацие ипащэу В. П. Свеженец къулыкъухэмрэ организациехэмрэ къыхигъэла­жьэхэзэ, мы лъэныкъомкIэ Iофым изытет цIыфхэм къафызэхифынэу, къэбар тэрэзхэр аIэ­кIигъэхьанхэу.

2. Дин, общественнэ организа­циехэм, депутатхэм игъо афэ­лъэгъугъэнэу коронавирусыр къямыутэлIэным пае вакцинэ зыхарагъэлъхьан зэрэфаер цIыфхэм агурыгъэIогъэнымкIэ Iофэу ашIэрэр агъэлъэшынэу.

3. Адыгэ Республикэм икъэралыгъо хабзэ игъэцэкIэкIо къулыкъухэм, чIыпIэ зыгъэIо­ры­шIэжьынымкIэ къулыкъухэм коронавирусыр къызэмыутэлIагъэхэм ыкIи зипсауныгъэкIэ къызэмыгоощтхэм къафэIоры­шIэрэ организациехэм, под­ряднэ организациехэу бюджет мылъкукIэ IофшIэнхэр (фэIо-фашIэхэр) зыгъэцакIэхэрэм аIутхэм 2021-рэ илъэсым Iоныгъом и 1-м нэс вакцинэр ахалъхьанымкIэ ищыкIэгъэ амалхэр зэрахьанхэу.

4. Адыгэ Республикэм и Пре­мьер-министрэ игуадзэу Н. С. Широковам ПЦР-тестхэр нахьыбэу аIахынхэмкIэ амалхэр зэрихьанхэу.

5. Адыгэ Республикэм псауныгъэр къэухъумэгъэнымкIэ ими­нистрэу Р. Б. Мэрэтыкъом сы­­маджэхэр нахьыбэ хъун зэри­лъэкIыщтым медицинэ организациехэр фигъэхьазырынхэу, Iэзэгъу уцхэм, зызэраухъумэрэ пкъыгъохэм, дезинфекцие амал­хэм яIэпэчIэгъанэ, медицинэ IофышIэхэу зэпахырэ узым узэ­рэпэуцужьыщт шIыкIэм фэгъэсагъэхэр щыIэнхэм гъунэ лъифынэу, сымэджэщхэм ачIэлъ­хэм къахэхъон зэрилъэкIыщтым епхыгъэу пIэкIор пчъагъэр на­хьыбэ шIыгъэным лъэшэу ынаIэ тыригъэтынэу.

6. Адыгэ Республикэм гъэсэ­ныгъэмрэ шIэныгъэмрэкIэ иминистрэу А. А. КIэращэм еджэныр зэраухыгъэм фэгъэхьыгъэ Iофтхьабзэхэр гурыт еджапIэ- хэми, сэнэхьат гъэнэфагъэ зы­щарагъэгъотырэ организациехэми защызэхащэрэ лъэхъаным коронавирусыр нахь макIэу къа­пыхьанымкIэ пэшIорыгъэшъ Iоф­тхьабзэхэр ащызэрахьанхэм гъунэ лъифынэу.

7. Адыгэ Республикэм ­лъэпкъ IофхэмкIэ, IэкIыб къэралхэм ащы­псэурэ тилъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ и Комитет итхьаматэу А. А. Шъхьэлахъом къэбар жъугъэм иамалхэмкIэ Адыгэ Респуб­ли­кэм исхэм макъэ аригъэIунэу:

1) коронавирусым пае шэп­хъэ гъэнэфагъэхэу Адыгэ Рес­публикэм илъхэм афэгъэхьы­гъэу;

2) Адыгэ Республикэм псауныгъэр къэухъумэгъэнымкIэ ими­нистрэу Р. Б. Мэрэтыкъом игъусэу:

а) коронавирусым зыщыухъу­мэгъэнымкIэ вакцинацием шIуа­гъэу пылъым фэгъэхьыгъэу;

б) илъэс 60-м зыныбжь ехъу­гъэхэр нахьыбэу коронавирусым зэрилIыкIыхэрэм фэгъэхьыгъэу;

в) ковидыр къызэузыгъэхэм япсауныгъэ зэщыкъоныгъэу фэ­хъухэрэм афэгъэхьыгъэу.

8. Адыгэ Республикэм хэ­­гъэгу кIоцI IофхэмкIэ и Министерствэ, Урысые Федерацием и Лъэпкъ гвардие идзэхэм я Федеральнэ къулыкъу Адыгэ РеспубликэмкIэ и ГъэIорышIапIэ, Адыгэ Республикэм икъэралыгъо хабзэ игъэцэкIэкIо къулыкъухэм, Урысые Федерацием и Кодексэу административнэ хэбзэукъоныгъэхэм афэгъэхьыгъэм ия 20.6.1-рэ статья зигугъу къышIырэ админист­ративнэ хэбзэукъоныгъэхэм яхьылIэгъэ протоколхэр зэхэзыгъэуцонэу фитыныгъэ зиIэ IофышIэхэм коронавирусым зимыушъомбгъунымкIэ шапхъэу агъэнэфагъэхэр зэрагъэца­кIэрэм нахь лъэшэу гъунэ лъа­фынэу.

9. Къэралыгъо хабзэм ифедеральнэ къулыкъухэм ячIыпIэ органхэм, чIыпIэ зыгъэIорышIэ­жьынымкIэ къулыкъухэм, Адыгэ Республикэм икъэралыгъо хабзэ игъэцэкIэкIо къулыкъухэу социальнэ лъэныкъом, псауныгъэм икъэухъумэн, гъэсэныгъэм, культурэм, спортым афэгъэзагъэхэм коронавирусыр къызэмыутэлIагъэхэм ыкIи зипсау­ныгъэкIэ къызэмыгоощтхэм COVID-19-р къапымыхьаным тегъэпсыхьэгъэ вакцинэр 2021-рэ илъэсым Iоныгъом и 1-м нэс зыхарагъэлъхьанымкIэ амалхэр зэрахьанэу.

10. Муниципальнэ образованиехэм япащэхэм гъэсэныгъэ язы­гъэгъотырэ организациехэу къа­фэIорышIэхэрэм дезинфекцие амалхэмрэ термометрэ­хэмрэ икъоу яIэнхэм анаIэ ты­рагъэтынэу;

зызэраухъумэрэ пкъыгъохэр цIыфхэм общественнэ чIыпIэхэм зэращагъэфедэрэм гъунэ зэрэ­лъафырэр агъэлъэшынэу;

санитар-эпидемие шапхъэхэр общественнэ транспортым къы­зэрэщыдалъытэхэрэм гъунэ зэрэлъафырэр нахь агъэлъэшынэу.

11. Коронавирусыр къапымы­хьаным пае цIыфхэм вакцинэр зыхарагъэлъхьанымкIэ ищыкIэгъэ амалхэр псэупIэхэм япащэ­хэм зэрахьанхэу, муниципальнэ районхэм япащэхэм яотчетхэр мафэ къэс арахьылIэнэу.

Мы унашъор зэрагъэцакIэрэм фэгъэхьыгъэ къэбархэр оперативнэ штабым исекретарь (Адыгэ Республикэм граждан оборонэмкIэ ыкIи ошIэ-дэмышIэ IофхэмкIэ и Комитет итхьаматэ) Адыгэ Республикэм и ЛIы­шъхьэрэ Урысыем и МЧС Ады­гэ РеспубликэмкIэ и ГъэIорышIэпIэ шъхьаIэ иинформа­ционнэ гупчэрэ аIэкIигъэхьанхэ фае.

Оперативнэ штабым итхьа­матэу, Адыгэ Республикэм и ЛIышъхьэу КъумпIыл Мурат

Оперативнэ штабым исек­ретарэу, Адыгэ Республикэм граждан оборонэмкIэ ыкIи ошIэ-дэмышIэ IофхэмкIэ и Комитет итхьаматэу Вячеслав Лотаков