Зэпахырэ узым пэуцужьыгъэхэм ащыщ Мыекъуапэ икIэлэцIыкIу ан­самблэу «Сюрпризым» ихудожественнэ пащэу Лариса Тупчаяр.

— Сянэ-сятэхэм узыр къызалъэIэсым унагъом гумэ­кIыгъуабэ къекIугъ, — къы­тиIуагъ Лариса Тупчаям. — Сэ кIэлэцIыкIухэм Iоф адэсэшIэ, цIыф макIэп сызыIукIэрэр. Ар къыдэслъыти, узым пэуцужьырэ вакцинэр мэзаем къысхалъхьанэу медицинэм иIофышIэхэм адэжь сы­кIуагъ.

Л. Тупчаям ипсауныгъэ изытет ауплъэкIуи, уцыр къыхалъхьагъ. Апэрэ мэфи 2 — 3-м гумэкIыгъо тIэкIу иIагъ, ащ ыуж рэхьат хъужьыгъэу мэпсэу.

«Сюрпризыр» Адыгеим щыкIорэ концертхэм, фестивальхэм ахэлажьэ. Лариса Тупчаям зэ­рилъытэрэмкIэ, умыщынэу уцыр зыхябгъэлъхьаныр нахьышIу. Узэкъотэу узым упэуцужьымэ, Iофыр нахь IэшIэх хъущт.

Сахьидэкъо Нурбый. Сурэтым итыр: «Сюрпризым» иIофшIэн зэпигъэурэп.