Къыблэм самбэмкIэ изэнэкъокъу Ермэлхьаблэ щызэхащагъ.

Илъэс 12 — 14 зыныбжь кIа­лэхэр, пшъашъэхэр алырэгъум щыбэнагъэх. КIэлэеджэкIо 400 фэдиз шъолъырым изэIукIэгъухэм ахэлэжьагъ.

Адыгэ Республикэм иеджапIэхэм защызыгъасэхэрэм медаль 12 зэнэкъокъум къыщыдахыгъ.

Хьакъуй Эльдар, кг 50, Едыдж Сэлым, кг 59-рэ, Давид Абиян, кг 71-рэ, апэрэ чIыпIэхэр къыда­хыгъэх. Тренерхэу А. Гъомлэ­шкым, Р. Джарымэкъом, А. Джарымэкъом, О. Къадырым бэна­кIохэр агъасэх.

Одиссей Федоренкэм, кг 35-рэ, КIыкI Долэт, кг 54-рэ, ятIонэрэ чIыпIэхэр къахьыгъэх. Тренерхэр И. Теуцожьыр ыкIи А. Хьабэ­хъур.

ЛIэхъусэжъ Ислъам, кг 35-рэ, Нэгъуцу Мурат, кг 35-рэ, Хьатит Амир, кг 38-рэ, ШъэуапцIэкъо Ибрахьим, кг 46-рэ, Цундышк Салбый, кг 50, ЕхъулIэ Заур, кг 59-рэ, Кощэкъу Рэмэзан, кг 71-м къехъу, ящэнэрэ чIыпIэхэр къафагъэшъошагъэх. Тренерхэу А. Мырзэм, Р. Джарымэкъом, А. Нэгъуцум, И. Нэгъоим, А. Хьабэхъум, С. Хъыщтым ныбжьыкIэхэр зэнэкъокъум фагъэхьазырыгъэх.

— ХагъэунэфыкIырэ чIыпIэхэр къыдэзыхыгъэхэр Къыблэм ихэшыпыкIыгъэ командэ хагъэхьа­гъэх, — къытиIуагъ Адыгэ Респуб­ликэм самбэмкIэ испорт еджапIэ ипащэу, спортымкIэ дунэе класс зиIэ мастерэу Делэкъо Адамэ. — 2021-рэ илъэсым Iоныгъо мазэм и 10 — 15-м Урысыем иныбжьыкIэхэм самбэмкIэ якIэух зэнэкъокъоу Казань щыкIощтым кIэлэеджакIохэр хэлэжьэщтых.