Урысые зэнэкъокъоу «Илъэсым имастер» зыфиIоу республикэм щы­кIуагъэм икIэуххэр зэфахьысыжьыгъэх.

Зэнэкъокъур зэхащэгъагъ АР-м гъэсэныгъэмрэ шIэны­гъэмрэкIэ и Министерствэрэ кIэлэегъаджэхэм яшIэныгъэхэм яхэгъэхъон пылъ Адыгэ рес­публикэ институтымрэ. Ащ хэлэжьагъэх республикэм итхэ колледжхэм ыкIи техникумхэм якIэлэегъаджэхэр. ЗэкIэмкIи нэбгыри 8-мэ яIэпэIэсэныгъэ мыщ къыщагъэлъэгъуагъ. Ахэм ахэтыгъэх автомобиль псын­кIэхэм ягъэцэкIэжьынкIэ, гъу­чIым Iоф дэзышIэрэ ыкIи пщэ­рыхьанымкIэ мастерхэр.

Зэнэкъокъум икIэуххэр зызэфахьысыжьхэм жюрим къыхигъэщыгъэх ыкIи шIухьаф­тынхэр афашIыгъэх Дондуковскэм дэт мэкъумэщ техникумым икIэ­лэегъаджэу Галина Ващенкэмрэ Мыекъопэ политехническэ колледжым икIэлэ­егъаджэу Мудрэнэ Бэлэрэ.

«Илъэсым имастер» зыфиIорэ щытхъуцIэр къыфагъэшъошагъ Мыекъопэ медицинэ колледжым икIэлэегъаджэу Ольга Шатиловам. Ащ медицинэ ыкIи социальнэ фэIо-фашIэхэм яхьылIагъ предметэу аригъашIэрэр.

Джы Ольга Шатиловар федеральнэ кIэух зэнэкъокъум хэлэжьэщт.

(Тикорр.). Сурэтым итыр: АР-м гъэ­сэ­ны­­гъэмрэ шIэныгъэмрэкIэ ими­нистрэ игуадзэу Пэрэныкъо Суса­нэрэ Ольга Шатиловамрэ.