Партиеу «Единэ Россием» Iофтхьэбзэ инэу «Русская классика — библиотекам» зыфиIорэр жъоныгъуакIэм и 27-м къы­щыублагъэу мэ­къуогъум и 6-м нэс ригъэкIокIыгъ.

Зигъо Iофыгъор анахьэу зы­фэгъэзэгъагъэр къоджэ ыкIи псэупIэ цIыкIухэм ятхылъеджапIэ­хэм яфонд хэгъэхъогъэныр ары.

«ИкIыгъэ илъэсым (2020-м) къыщыублагъэу «Тхылъыр унэмэ атетэгуащэ» зыфиIорэ акциеу, цIыфхэу унэкIоцIым ишIыхьагъэ хъугъэхэм IэпыIэгъу афэхъурэр зэхэтщагъ, ащкIэ ташъхьэпагъ», — къеIуатэ Адыгэ шъолъыр къу­тамэу «Единэ Россием и НыбжьыкIэ гвардие» зыфиIорэм иIэшъхьэтетэу, къалэу Мые­къуапэ идепутатэу Бэрзэдж Аси­ет. — Мыщ фэдэ ­Iоф­шIа­кIэм лъэшэу ыгъэрэзагъэх ныбжь зиIэ цIыфхэр ыкIи ак-циер лъыдгъэкIуатэу, темэ зэ­фэ­шъхьафхэмкIэ тхылъхэр аIэ­кIэдгъэхьагъэх. Джы тэри нахь къыдгурыIуагъ чIыпIэ тхылъ­еджа­пIэхэм адеIэгъэн зэрэфаер, ятхылъ фонд хэгъэхъо­гъэныр, гъэкIэжьыгъэныр зэ­ри­щыкIагъэр. Тиамал къызэри­хьэу, ныбжьыкIэ чанхэр хэдгъэлажьэ­хэзэ, ятхылъ фонд къэтэ­Iэты», — къыхигъэщыгъ Асиет.

ЧIыпIэ тхылъеджапIэхэм апае литературэм иугъоин хэти шIои­гъоныгъэ зиIэхэр хэлэжьэнхэ алъэкIыгъ. ТхылъыкIэхэр е тхылъ къэбзэ гъэшIэгъонхэу жан­рэ зэфэшъхьафхэм арылъхэр — урыс классикэм къыщегъэжьагъэу энциклопедическэ литературэм нэсыжьэу «Единэ Россием» ичIыпIэ къутамэ, и «НыбжьыкIэ гвардие», е партием и Шъолъыр общественнэ приемнэу Мыекъуапэ щыIэм арахьылIагъэх.

ТхылъеджэпIэ цIыкIухэмкIэ IэпыIэгъур партиеу «Единэ Россием» хэбзэ дахэ хъугъэу илъэси 10-м къехъугъэу лъе­гъэ­кIуатэ, тхылъыр зищыкIагъэ­хэм аIэкIегъахьэ. Мыщ хэлажьэх ашъхьэкIэ депутатхэр, пар­тием хэтхэр, гупыкI зиIэ цIы-фыбэу общественнэ организациехэм ахэтхэр.

(Тикорр.).