Тыкъэзыуцухьэрэ дунаим и Мафэ хэзгъэу­нэ­фыкIыгъэхэм ащыщ Гъозэрыплъэ иэколо­ги­ческэ гупчэ иIофышIэхэри, хьакIэхэри.

Программэу агъэхьазыры­гъэм къызэрэдилъытэу, гупчэм къекIолIагъэхэр хагъэла­жьэхэзэ, чIыопсым и Музей нэIуасэ фа­шIыгъэх, заповедникым ибайныгъэ зыфэдэр къафаIотагъ.

Джащ фэдэу Мыекъуапэ иеджа­пIэхэм ащызэхэщэгъэхэ кIэлэцIыкIу зыгъэпсэфыпIэ лагерьхэм ащыIэхэ сабыйхэм Кав­каз заповедникым эколо­гическэ гъэсэныгъэмкIэ иметодистэу Валентина Куцая заIуигъэкIагъ.

ЧIыопсым икъэухъумэн мэхьанэу иIэр кIэлэцIыкIухэм къа­­гурыIоным фэшI мэзым ыкIи къалэм ащызэхэпхыхэрэ ма­къэхэр зэрагъэпшагъэх. Тимэз­хэм ахэс псэушъхьэхэр зы­фэ­дэхэр Адыгеим и Тхылъ Плъыжь дэтхэ сурэтхэмкIэ зэрагъэшIагъэх. Заповедникым зызыщаплъыхьэм ашIогъэшIэ­гъоныгъэхэм атегущыIагъэх. Дунаир дэхэным ыкIи къэбзэным апае шIэгъэн фаехэм, во­лонтерхэм ядвижение узэ­­рэ­хэхьащтым афэгъэхьыгъэ упчIэу къатыгъэхэм яджэуапхэр арагъэгъотыжьыгъэх.

(Тикорр.).