Адыгэ хьалыжъом и Мафэ мэкъуогъум и 19-м IофшIапIэу «Руфа-Турым» щыкIощт. Адыгэ Республикэм зекIохэмкIэ ыкIи IэзэпIэ-зыгъэпсэфыпIэ­хэмкIэ и Комитетрэ IофшIапIэу «Руфа-Турымрэ» адыгэ хьа­лы­жъом и Мафэ я 10-у зэхащэ. Сырыфыбг (Руфабго) зэхахьэр щырагъэкIокIыщт. Лъэпкъ Iоф­тхьабзэм адыгэ къуаер зыдэлъ хьалыжъохэр щагъэжъэщтых, анахь IэпэIасэхэр къыхагъэ­щынхэм фэшI зэнэкъокъухэр пщэрыхьакIохэм яIэщтых. Адыгэ къуаер тилъэпкъ ишхы­ныгъо шъхьаIэхэм ащыщ зэрэ­хъугъэр Урысыем имызакъоу, дунаим щашIэ. Адыгэ къэIуакIэу хьалыжъом иIэр къагъэнэжьызэ, урысхэр, къэндзалхэр, нэмыкI лъэпкъхэр шхыныгъом идэгъугъэ щыгъуазэ хъугъэх. Хьалыжъом и Мафэ Къыблэм, Темыр Кавказым, Сыбыр, фэшъхьафхэм къарыкIы­гъэхэр хэ­­лэжьэщтых. Республи­кэм щыщ­хэм, хьакIэхэм мэфэ­кIыр агу зэрэрихьыщтым тицы­хьэ телъ, «шъукъеблагъ» ятэIо. Хьалыжъом и Мафэ Сырыфыбг концерт щыкIощт. Артистхэм орэд къаIощт, къэшъощтых, цIыфхэм языгъэпсэфыгъо уахътэ гъэшIэгъонэу агъэкIощт. ЕмтIылъ Нурбый.