Адыгэ Республикэм и Къэралыгъо Совет — Хасэм ия 63-рэ зэхэ­сыгъо 2021-рэ илъэсым мэкъуогъум и 18-м щыIэщт.

Зэхэсыгъом зыщахэплъэщтхэм мыщ къыкIэлъыкIорэ Iо­фыгъохэр ахагъэхьагъэх: законопроектхэу «Адыгэ Респуб­ликэм изакон заулэмэ зэхъо­кIыныгъэхэр афэшIыгъэнхэм ехьылIагъ» зыфиIорэм, «Адыгэ Республикэм и Законэу «ЦIыф­хэмрэ хьылъэхэмрэ язещэнкIэ Iофыгъо заулэ зэшIохыгъэным ехьылIагъ» зыфиIорэм зэ­хъокIыныгъэхэр фэшIыгъэнхэм фэгъэхьыгъэм» ятIонэрэу ахэплъэгъэныр; законопроектхэу «2020-рэ илъэсымкIэ ­Адыгэ Республикэм иреспубликэ бюджет зэрагъэцэкIагъэм ехьы­лIагъ», «2020-рэ илъэсымкIэ Адыгэ Республикэм шIокI зимыIэ медицинэ страхованиемкIэ и ЧIыпIэ фонд ибюджет зэрагъэцэкIагъэм ехьылIагъ» зыфиIохэрэм, «Адыгэ Респуб­ликэм и Законэу «Адыгэ Рес­публикэм изэгъэшIужь хьыкумышIхэм яхьылIагъ» зыфиIорэм ия 7-рэ статья кIуачIэ имыIэжьэу лъытэгъэным фэгъэхьыгъэм», «Адыгэ Республикэм и Законэу «ЧIыпIэ зыгъэIорышIэжьыным ехьылIагъ» зыфиIорэм зэхъокIыныгъэхэр фэшIыгъэнхэм фэгъэ­хьыгъэм» апэрэу ахэ­п­лъэ­гъэныр ыкIи нэмыкI Iофыгъохэр.

Адыгэ Республикэм и Къэра­лыгъо Совет — Хасэм изэхэ­сыгъо сыхьатыр 11-м рагъэ­жьэщт.

Адыгэ Республикэм и Къэралыгъо Совет — Хасэм и Тхьаматэу Владимир Нарожный