«Непэрэ мафэм ишэпхъэ шъхьаI»
Адыгэ Республикэм и Лъэпкъ театрэу Цэй Ибрахьимэ ыцIэ зыхьырэм ихудожественнэ пащэ иIэнатIэ зыгъэцэкIэрэ Хьакъуй Аслъан къызэрэтиIуагъэмкIэ, непэрэ мафэм ехъулIэу Лъэпкъ театрэм иIофышIитфымэ ковидым пэшIуекIорэ вакцинэр зыхарагъэлъхьагъ.
— Къэралыгъом гъунэ щылъафышъ, тэри тынаIэ тет,— хегъэунэфыкIы Хьакъуй Аслъан, — мы Iофтхьабзэм мэхьанэу иIэр нэбгырэ пэпчъ къыгурэIо. Театрэм зэIукIэгъубэ зэхещэ, спектаклэхэр чылэхэм къащытэгъэлъагъох, цIыфхэм жъугъэу таIокIэ, арышъ, санитарнэ-эпидемиологическэ шапхъэхэм ягъэцэкIэн гъунэ лъытэфы. Мары, мы мазэм и 7-м щыублагъэу и 15-м нэс «Театрэр — кIэлэцIыкIухэм апай» зыфиIорэ Iофтхьабзэм тыхэлажьэ. Адыгэ къэралыгъо университетым ар щэкIо. Джащ фэдэу Кощхьаблэ, Щынджые, Пщыкъуйхьаблэ, Адыгэкъалэ, Тэхъутэмыкъуае театрэм икъэгъэлъэгъонхэр гъэмафэм къащыттыщтых. Ахэр зэшIотхынхэм пае артистхэм хэз ямыIэу, пчъагъэмкIэ тикъужьэу Iоф тшIэн фае. Псауны-гъэм уфэсакъыныр, улъыплъэныр пшъэрылъ ыкIи пшъэдэкIыжь шъхьаIэу къэуцу. Дгъэнэфэгъэ Iофтхьабзэхэм язэшIохын ащ занкIэу епхыгъ. Сакъыныгъэр непэрэ мафэм ишэпхъэ шъхьаI!