Адыгэ Республикэм щыпсэухэу лъытэныгъэ зыфэтшIыхэрэр!

Къэралыгъо мэфэкI лъапIэхэм зэу ащыщымкIэ — Урысыем и МафэкIэ тышъуфэгушIо!

Урысыер зыгъэлъэшырэр зэгурыIо­ныгъэ зиIэ, зэгъунэгъушIу зэфыщытыкIэхэм арыгъозэрэ цIыф лъэпкъхэу лIэшIэгъубэмэ къакIоцI хэгъэгум хэхъо­ныгъэ езыгъэшIыхэрэм языкIыныгъ ары.

Къэралыгъом игъэхъагъэхэм якъэ­кIуапIэр хэгъэгуми, Адыгэ Республикэми арысхэу зэкъошныгъэмрэ зэкъот­ныгъэмрэ зыгъэлъапIэхэрэм, хьалэлэу лажьэхэрэм гъэхъагъэу яIэхэр ары.

ЗыкIыныгъэмрэ зэдэIэпыIэжьыны­гъэмрэ осэнчъэу зэрэщытхэр пандемием илъэхъан джыри зэ къэлъэгъуагъ. Зэпахырэ узым пэуцужьыгъэнымкIэ цIыфхэр зэрэзэкъоуцуагъэхэр ары экономикэмкIи, социальнэ лъэныкъомкIи Iофыгъошхохэр зэшIуахынхэ языгъэлъэ­кIыгъэр. Тэ Урысыеми, Адыгейми зэди­штэу хэхъоныгъэ ядгъэшIы тшIоигъу. Республикэ гупсэми, хэгъэгуми щыIакIэу арылъыр нахь дэгъу хъунымкIэ ты­зэкъоуцонэу тыхьазыр.

Адыгеим инеущырэ мафэ игъэпсын тызэгъусэу непэ тыдэлажьэ, ар нахь фэ­шIыгъэ тшIы тшIоигъу. Республикэм ихэ­хъоныгъэ зиIахь хэзышIыхьэхэрэм «тхьашъуегъэпсэу» ятэIо! Iофэу зыфэгъэзагъэхэмрэ ячIыгу гупсэрэ афэ­шъыпкъэхэр нахьыбэ хъу къэс тизэшIокIи нахьыбэщт. Республикэм исхэр Iоф­шIэным зэрэфытегъэпсыхьагъэхэм тицыхьэ тырегъэлъы ахэм гъэхъэгъэшIухэр зэрашIыщтхэм.

ТичIыпIэгъу лъапIэхэр! Джыри зэ мэфэкIымкIэ тышъуфэгушIо, псауныгъэ пытэрэ щыIэкIэшIурэ шъуиIэнэу, мамырэу шъупсэунэу, гушIуагъом шъущымыкIэнэу, Адыгэ Республикэмрэ Урысыемрэ апае IофышIоу ешъу­хьы­жьэхэрэм гъэхъагъэхэр ащышъушIынэу тышъуфэлъаIо!

Адыгэ Республикэм и ЛIышъхьэу, Урысые политикэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожный