Бэдзэогъу мазэм я 30-рэ зекIо маршрутэу «Къушъхьэ­хэмкIэ хым» зыфиIорэр къызызэIуахыгъэр илъэс 85-рэ мэхъу.

Ащ ехъулIэу Кавказ за­поведникым сурэтхэмкIэ зэнэкъокъу зэхещэ. Сурэттехыныр зикIасэхэми, мы лъэныкъомкIэ IэпэIэсэ­ны­гъэ зиIэхэми Iофтхьа­бзэу «Наша «тридцатка»: сохраним мгновения!» зы­фи­Iорэм хэлэжьэнхэ амал яI.

Мыщ ухэлэжьэным фэшI маршрутым щытепхыгъэ сурэт ыкIи чIыпIэр зы­фэ­дэр къизыIотыкIырэ къэбар кIэкI зэнэкъокъум бгъэхьынхэ фае.

Iофтхьабзэр тIоу зэтеу­тыгъ — «Тарихъыр» (2001-рэ илъэсым нэс техыгъэ сурэтыр) ыкIи «ЛIэшIэгъу­кIэр» (2001 — 2021-рэ илъэсхэм ашIыгъэ сурэтхэр). ЛъэныкъуитIумкIи сурэти 5-м нэсэу бгъэхьын амал щыI. ТекIоныгъэ къэзыхьыгъэ IофшIагъэхэр зекIоным имузееу Лэгъо­Накъэ дэжь щашIыгъэм тетыщтых. Мэкъуогъум и 5-м къыщегъэжьагъэу бэ­дзэогъум и 31-м нэс Iоф­тхьабзэр кIощт.

Маршрутым километрэ 50 икIыхьагъ. Ар шыхэмкIэ ыкIи лъэсэу мэфи 3 — 5-кIэ пкIун плъэкIыщт. Гъогур Лэгъо-НакъэкIэ къы­щежьэшъ, Тыгъэмыпс иIэгъо-блэгъу щеухыжьы.

Абрэдж Сэтэнай.