Статистикэм къызэригъэлъагъорэмкIэ, коро­на­вирусыр къызэузыхэрэм япчъагъэ макIэ хъу­гъэ нахь мышIэми, ар къытпыхьаным ищы­нагъо джыри къышъхьащыт. Медикхэм ямызакъоу, мы Iофыгъом общественностыр егъэгумэкIы.

Хъужьыгъэхэм япчъагъи ма­кIэп, арэу щыт нахь мышIэми, пандемиер джыри тымыу­хыгъэу елъытэ Урысыем Iоф­шIэнымкIэ и ЛIыхъужъэу, УФ-м и Общест­веннэ палатэ хэтэу, Адыгеим, Къэбэртэе-Бэлъ­къарым, Къэрэщэе-Щэрджэсым янароднэ тхакIоу Мэщ­бэшIэ Исхьакъ.

— Лъытэныгъэ зыфэсшIырэ сичIыгогъухэр! Уз мэхъаджэу къежьагъэм тызэрэпэуцужьыщт закъор вакцинэр зыхядгъэлъхьаныр ары. Коронавирусым къызыдихьын ылъэкIыщтхэ тхьа­мыкIагъохэр, нэбгырэ пэпчъ пшъэдэкIыжьэу ыхьырэр зыщыдгъэгъупшэхэ хъущтэп. ИкIы­гъэ илъэсым къыгъэлъэгъуагъ узыр псынкIэу зэкIэми зэрапэкIэмыкIырэр. Анахь ыгъэ­фы­къохэрэр зыныбжь хэкIота­гъэхэр ыкIи уз гъэтIылъыгъэ зи­Iэхэр ары. Ау ныбжьыкIэхэми къафэкъинэу бэрэ къыхэкIы, — къыIуагъ народнэ тхакIом.

МэщбэшIэ Исхьакъ вакцинэр зыхаригъэлъхьаным зыфегъэ­хьазыры, ищыкIэгъэ медицинэ уплъэкIунхэр екIух.