Джыри кIэу къащагъэх

Фэтэрыбэу зэхэт унэхэм ачIэсхэм хэкIэу къырахырэр зэратакъорэ кон­тейнерхэм афэдэхэр кIэу джыри «Эко­Центрэм» къыщагъэх. Жъы хъугъэхэм ачIыпIэкIэ ахэр агъэуцущтых.

— Контейнерхэм язытет гъэIорышIэкIо органи­зациехэр е шъолъыр операторым иуплъэкIуакIохэр лъэплъэх ыкIи ахэм къагъэнэфагъэм тетэу жъы хъугъэхэр зэблэтэхъух. Бакхэм афэсакъынхэу, чъыг къутамэхэр, уцэу аупкIагъэр е пыдзэфэ инэу къы­ра­хыжьыхэрэр арамытэкъонхэу республикэм щыпсэу­хэрэм тыкъялъэIу, — къыIуагъ «ЭкоЦентрэм» и Адыгэ шъолъыр къутамэ ипащэу Алыбэрд Налбый.

Шъугу къэтэгъэкIыжьы, шъолъыр операторым хэкIыр зыщыIуищырэ графикыр интернет нэкIубгъоу https://adygea.clean-rf.ru зыфиIорэм ижъугъотэщт. УпчIэ зиIэр мы телефонхэмкIэ къытеон ылъэкIыщт: 8-800-707-05-08, 8(8772)21-06-00, 8-962-868-14-62.

ЦIыфхэр рагъэблэгъэщтых

«ЭкоЦентрэм» иофисхэр зыдэщыIэхэ къалэу Мыекъуапэрэ поселкэу Ябло­новскэмрэ апэчыжьэ къоджэ псэупIэхэм адэсхэм яупчIэхэм яджэуап аратыжьыным, зищыкIагъэм IэпыIэгъу фэхъунхэм афэшI компа­нием иIофышIэхэм мэзэ зытIу хъу­гъэу район гупчэхэм цIыфхэр аща­рагъэблагъэх.

ГущыIэм пае, мэлылъфэгъум ыкIи жъоныгъокIэ мазэм нэбгырэ 600 фэдизмэ закъыфагъэзагъ. Анахьэу хэкIыр зэрэIуащырэм ыпкIэ къызэрафалъытэрэр, ялицевой счет изытет, чIыфэ ателъымэ е атемылъымэ зыгъэгумэкIыщтыгъэхэр.

Мэкъуогъу мазэу къихьагъэми менеджерхэм мы IофшIэныр лъагъэкIуатэ. Ахэм закъыфэзыгъазэмэ зышIоигъохэм паспортыр, псэупIэр ежь зэриунаер, нэбгырэ пчъагъэу исыр къэзыушыхьатырэ тхылъхэр ыIыгъынхэ фае.

Мэкъуогъум и 7-м компанием иIофышIэхэр Джэджэ ыкIи Пэнэжьыкъое, и 8-м Хьакурынэхьэблэ ыкIи Лъэустэнхьэблэ псэупIэ койхэм ащыIэщтых. КъыкIэ­лъыкIорэ мафэм, мэкъуогъум и 9-м Кощхьэблэ ыкIи Тэхъутэмыкъое, и 10-м Красногвардейскэ, Тульскэ псэупIэ койхэм, поселкэу Инэм ащырагъэблэгъэщтых, мэкъуогъум и 11-м поселкэу Каменномостскэм кIощтых.

ООО-у «ЭкоЦентр» зыфиIорэм и Адыгэ шъолъыр къутамэ ипресс-къулыкъу