ТыгъуакIохэу фэтэрхэм арыхьэхэрэр зыгъэпсэфыгъо лъэхъаным на­хьыбэ зэрэхъухэрэр Росгвардием вневедомственнэ ухъумэнымкIэ икъулыкъу шъугу къегъэкIыжьы.

Мыщ фэдэ хъугъэ-шIагъэ къэмыхъуным пае пшIэн фаехэр:

— Унэм шъукъикIы зыхъукIэ шъхьаныгъупчъэхэр Iухыгъэу къэшъумыгъанэх.

— Унэр къызэрыIушъухырэ IункIыбзэр кIодыгъэмэ, лъэтемытэу зэблэшъухъун фае.

— Чыжьэу зыгорэм шъо­кIо­мэ, унэм шъузэримысыщтыр зыми ешъумыгъашI, цыхьэ зы­фэшъушIырэ гъунэгъур унэм къылъыплъэнэу ыкIи почтэм къыдалъхьэхэрэр дихынхэу шъуе­лъэIу.

— Унэ IункIыбзэр тэрэзэу жъугъэтIылъ.

— Гъунэгъухэм зэзэгъыныгъэ адэшъушIи, чIэхьапIэм камерэ хэжъугъэуцу.

ТыгъуакIохэр унэм имыхьанхэм пае анахь зишIуагъэ къа­кIорэр централизованнэ къэу­хъумэныр ары. Респуб­ликэмкIэ ар егъэцакIэ Рос­гвардием вневедомственнэ ухъумэнымкIэ икъулыкъу. Сиг­нали­зациеу хагъэуцорэр ухъу­макIо­хэм япульт ещэлIагъ. Тыгъуа­кIохэр унэм ихьанхэу зе­жьэкIэ, лъэте­мытэу макъэр анэсы ыкIи та­къикъ заулэкIэ къулыкъушIэ­хэр чIыпIэм екIуа­лIэх.

Непэрэ мафэм ехъулIэу вневедомственнэ ухъумакIохэм чэщи мафи объект мини 3,5-м ехъу къагъэгъунэ. Ахэм тыгъуа­кIохэр арыхьагъэу джыри агъэунэфыгъэп.