Адыгэ Республикэм къэзэкъ куль­ту­рэм ия ХХХ-рэ фестиваль жъоны­гъуакIэм и 28 — 31-м игъэкIотыгъэу щыкIуагъ.

Урысыем ишъолъыр 20 юбилей зэхахьэм хэлэжьагъ. Башкортостан, Саха (Якутия), Дагъыстан, Темыр Осе­тием — Аланием, Къэрэщэе-Щэрджэсым, Краснодар ыкIи Ставрополь крайхэм, Саратов, Воронеж, Ростов, Тюмень, Сахалин, Ульяновскэ, Волгоград, Москва, Орлов хэкухэм, къалэу Санкт-Петербург, Луганскэ Народнэ Республикэм, Адыгеим ятворческэ купхэм яискусствэ къагъэлъэгъуагъ.

Адыгэ Республикэм и ЛIышъхьэу КъумпIыл Мурат ишIухьафтынэу «Гран-при» зыфиIорэр Санкт-Петербург икъэзэкъ ансамблэу «Атаманым» фагъэшъошагъ.

Фестивалым фэгъэхьыгъэ тхыгъэхэр «Адыгэ ма­къэм» къыхиутыщтых.

Сахьидэкъо Нурбый.