Адыгэ Республикэм Росгвардием и ГъэIорышIапIэ мы мафэхэм зэ­хэсыгъоу иIагъэр зэрищагъ ащ ипащэу, полицием иполковникэу Иван Гричановым. Iофтхьабзэм хэлэжьагъэх СОБР-м, ОМОН-м, хэушъхьэфыкIыгъэ пшъэрылъхэр зиIэ авиационнэ отрядым, вневедом­ственнэ ухъумэным якъулыкъушIэхэр.

Iофыгъо зэфэшъхьафхэм зэ­хэсыгъом ащытегущыIагъэх. Тер­роризмэм пэшIуекIогъэнымкIэ Iофтхьабзэхэу зэхащэхэрэр, вневедомственнэ ухъумэным икъулыкъушIэхэм пшъэрылъхэу зыфагъэуцужьыхэрэм, ахэм зэ­ра­фэхьазырхэм къатегущыIагъ Росгвардием и ГъэIорышIапIэ иштаб пащэм иапэрэ гуадзэу, полковникэу Андрей Михайловыр.

Гурыт еджапIэхэр, кIэлэцIыкIу IыгъыпIэхэр ыкIи гъэсэныгъэм инэмыкI учреждениехэр щынэгъончъэнхэм пае ашIэрэ Iофым къытегущыIагъ лицензионнэ-разрешительнэ IофшIэным игупчэ ипащэу, полицием иполковникэу Игорь Нечаевыр.

Гъэсэныгъэм иобъектхэу рес­публикэм итхэр терроризмэм пэшIуекIогъэным фэгъэхьыгъэ IофшIэнэу зэхащэхэрэм ягугъу къышIыгъ вневедомственнэ ухъу­мэным ипащэу, полицием иполковникэу Андрей Власовым.

Iофтхьабзэм нэмыкI Iофы­гъохэми ащыхэплъагъэх. Зэхэсыгъом икIэух Иван Гричановым къулыкъушIэхэм пшъэрылъ гъэ­нэфагъэхэр афигъэуцугъэх. ДЕЛЭКЪО Анет.