Я 5-рэ урысые полумарафонэу «ЗаБег.РФ» зыфиIо­рэм къэралыгъом икъэлэ 85-рэ хэлэжьэщт. Ахэм ащыщ Мыекъуапэ. ШIоигъоныгъэ зиIэ пстэури ащ къырагъэблагъэ.

ЖъоныгъуакIэм и 30-м Адыгэ рес­публикэ стадионым Iофтхьабзэр щырагъэжьэщт. Хэлэжьэн гухэлъ зиIэхэр жъоныгъуакIэм и 28-м сыхьатыр 12-м къыщегъэжьагъэу 20-м нэс ыкIи жъоныгъуакIэм и 29-м сыхьатыр 10-м къы­щегъэжьагъэу 18-м нэсэу урамэу Гагариным и 7-м щатхыщтых.

ЖъоныгъуакIэм и 30-м пчэдыжьым сыхьатыр 7-м егъэжьэпIэ-уцужьыпIэ къалэр, зызщызэблахъущт чIыпIэхэр, гъэтIылъыпIэхэр къызэIуахыщтых. МэфэкI шIыкIэм тетэу пчэдыжьым сыхьатыр 8.45-м Iофтхьабзэр рагъэжьэщт. Сыхьатыр 9-м къэчъэнхэр аублэщтых. Мет­рэ 21100-рэ, метрэ 10000 ыкIи 5000 хъу­хэрэ гъогууанэхэр къачъыщтых. Сы­хьа­тыр 12-м метрэ 1000-м техьащтых.

НыбжьымкIэ зэрэзэтекIыхэрэр:

Метрэ 1000-р Шъэожъыехэр — аныбжь 7 — 9, 10 — 12 Пшъэшъэжъыехэр — аныбжь 7 — 9, 10 — 12 КIалэхэр — аныбжь 13 — 14, 15 — 17 Пшъашъэхэр — аныбжь 13 — 14, 15 — 17

Метрэ 5000-р КIалэхэр — аныбжь 16 — 17 Пшъашъэхэр — аныбжь 16 — 17 Хъулъфыгъэхэр — аныбжь 18 — 34-рэ, 35 — 44-рэ, 45 — 54-рэ, 55-рэ ыкIи нахьыжъхэр Бзылъфыгъэхэр — аныбжь 18 — 34-рэ, 35 — 44-рэ, 45 — 54-рэ, 55-рэ ыкIи нахьыжъхэр

Метрэ 10000-р Хъулъфыгъэхэр — аныбжь 18 — 34-рэ, 35 — 44-рэ, 45 — 54-рэ, 55-рэ ыкIи нахьыжъхэр Бзылъфыгъэхэр — аныбжь 18 — 34-рэ, 35 — 44-рэ, 45 — 54-рэ, 55-рэ ыкIи нахьыжъхэр

Метрэ 21100-р Хъулъфыгъэхэр — аныбжь 18 — 34-рэ, 35 — 44-рэ, 45 — 54-рэ, 55-рэ ыкIи нахьыжъхэр Бзылъфыгъэхэр — аныбжь 18 — 34-рэ, 35 — 44-рэ, 45 — 54-рэ, 55-рэ ыкIи нахьыжъхэр.