Шъолъырхэм яуплъэкIокIо-лъыплъэкIо къулыкъухэм бизнесым пылъхэм яIофшIэн зэрауплъэкIурэр зызэрагъапшэм, анахь макIэу ащ фэдэ­хэм яягъэ зыщарагъэкIырэ субъектищым Адыгеир ахэхьагъ.

Ар предпринимательхэм яфитыныгъэхэр къэухъумэгъэнхэмкIэ Уполномоченнэу УФ-м и Президент дэжь щыIэ Борис Титовым «Индекс административного давления» ыIоу ушэты­нэу ышIыгъэхэм якIэух зэфэхьысыжьхэм къащигъэнэфагъ.

АР-м экономикэ хэхъоныгъэ­хэмкIэ ыкIи сатыумкIэ иминист­рэ игуадзэу Былымгъот Иб­ра­хьим къызэриIуагъэмкIэ, предпринимательхэм IофшIэкIэ ама­лышIухэр яIэнхэм, инвестициехэр нахьыбэу къыхэлъхьагъэхэ хъун­хэм афытегъэпсыхьэгъэ Iофхэу республикэм щызэшIохыгъэ хъу­хэрэм яшIуагъэкIэ ащ фэдэ къэ­гъэлъэгъонхэр щыIэхэ хъугъэ.

Рейтингыр предпринимательхэм яфитыныгъэхэр къэухъумэгъэнхэмкIэ шъолъырхэм яуполномоченнэхэм, федеральнэ хэ-­бзэ органхэм ячIыпIэ къутамэ­хэм, «Росстатым», УФ-м эконо­микэ хэхъоныгъэхэмкIэ и Министерствэ, хьыкумхэм ястатистикэ, хьыкум приставхэм я Федеральнэ къулыкъу, уплъэ­кIунхэм я ЗыкI реестрэ къатыгъэ къэбархэм къапкъырыкIы­хэзэ зэхагъэуцуагъ. Реестрэм ха­хьэхэрэр «Роспотребнадзорым», «Ростехнадзорым», «Рос­сельхознадзорым», «Росприроднадзорым», «Рострудым» ыкIи МЧС-м уплъэкIунэу ашIыгъэхэм къагъэлъэгъуагъэхэр ары.