«2021-рэ илъэсымкIэ Адыгеим икIэлэегъэджэ-психолог» зыфиIорэ республикэ зэнэкъокъоу АР-м гъэсэныгъэмрэ шIэныгъэмрэкIэ и Министерствэ зэхищагъэм икIэуххэр мы мафэхэм зэфахьысыжьы­гъэх.

Зэнэкъокъум зэкIэмкIи нэбгыри 8 хэлэжьагъ. Ахэр къэлэ ыкIи район зэнэкъокъухэм ащытекIуагъэхэр арых.

Психологхэм язэнэкъокъу уцугъуи 4-у зэтеутыгъагъ. Ары пэпчъ ахэм яIэпэIэсэныгъэ къыщагъэлъэгъон фэягъ.

КIэуххэр зызэфахьысыжьхэм, жюрим мы илъэсымкIэ Адыгеим анахь психолог дэгъоу ылъытагъ Адыгэкъалэ дэт кIэлэцIыкIу IыгъыпIэу «Нэбзый» зыфиIорэм къикIыгъэ психологэу Джанхъот Сусаннэ. Ар джы Всероссийскэ кIэух зэнэкъокъоу «2021-рэ илъэсымкIэ Урысыем икIэлэегъэджэ­психолог» зыфиIорэм хэлэжьэщт.

(Тикорр.).