Адыгэ Республикэм и Къэралыгъо Совет — Хасэм ия 62-рэ зэхэсыгъо 2021-рэ илъэсым жъоныгъуакIэм и 28-м щыIэщт.Iофыгъохэу зытегущыIэщтхэм мы къыкIэлъыкIохэрэр ахагъэхьагъэх: культурэм, псауныгъэм икъэухъумэн, гъэсэныгъэм, социальнэ Iофхэм афэгъэзэгъэ организациехэу Адыгэ Республикэм итхэм япшъэрылъхэм язэшIохынкIэ фэIо-фашIэхэр агъэцэкIэнхэм тегъэпсыхьэгъэ амалхэу яIэхэм уасэу афашIыгъэм ехьылIэгъэ отчетэу 2020-рэ илъэсымкIэ Адыгэ Республикэм и ЛIышъхьэ къы­шIыщтыр ыкIи а организациехэм яIофшIэн на­хьышIоу зэхэщэгъэнымкIэ Iофтхьабзэхэу зэра­хьэхэрэм яхьылIагъэр; законопроектэу «Адыгэ Республикэм и Къэралыгъо Совет — Хасэм идепутатхэм яхэдзын ехьылIагъ» зыфиIорэм зэ­хъокIыныгъэхэр фэшIыгъэнхэм фэгъэхьыгъ» зыфиIорэм ятIонэрэу хэплъэгъэныр; законопроектхэу «Адыгэ Республикэм и Конституцие ия 76-рэ статья гъэтэрэзыжьын фэшIыгъэным фэгъэхьыгъ», «Адыгэ Республикэм ибюджет идефицит изы Iахь игъэкъужьыгъэнымкIэ федеральнэ бюджетым къы­хагъэкIынышъ, Адыгэ Республикэм ибюджет къырагъэхьащт ахъщэмкIэ зэзэгъыныгъэ тедзэхэр ухэсыгъэнхэм ехьылIагъ» зыфиIохэрэм апэрэу ахэплъэгъэныр; Адыгэ Республикэм и Законхэу «Адыгэ Республикэм и ЛIышъхьэ ехьылIагъ», «Шэпхъэ ыкIи правовой актхэм яхьылIагъ», ­«Адыгэ Республикэм бюджет Iофыр зэрэщыгъэпсыгъэм ехьылIагъ», «ЦIыфхэмрэ хьылъэхэмрэ язещэн епхыгъэ Iофыгъо зырызхэр гъэтэрэзыгъэнхэм ехьылIагъ» зыфиIохэрэм зэхъокIыныгъэхэр афэшIыгъэнхэр ыкIи нэмыкIхэр.

Адыгэ Республикэм и Къэралыгъо Совет — Хасэм изэхэсыгъо пчэдыжьым сыхьатыр 10-м аублэщт.

Адыгэ Республикэм и Къэралыгъо

Совет — Хасэм и Тхьаматэу Владимир Нарожный