Мы мафэхэм Адыгэ къэралыгъо университетым итарихъ факультет интеллектуальнэ джэгукIэу «Софиум» зыфи­Iорэр щызэхащагъ.

АР-м хэдзынхэмкIэ и Гупчэ комиссие Iофтхьабзэм кIэщакIо фэхъугъ.

Правэм ылъэныкъокIэ студентхэм шIэныгъэу аIэкIэлъым хэгъэхъогъэныр, нахь ашIогъэшIэгъон хъуныр, хэдзынхэм афэгъэхьыгъэ шапхъэхэр зэрашIэрэр ауплъэкIуныр ыкIи мыщ епхыгъэу яшIэныгъэхэм ахагъэхъоныр ары пшъэрылъ шъхьаIэу зэхэщакIохэм зыфагъэуцужьыгъэр.

Iофтхьабзэм къыдыхэлъытагъэу, зэнэкъокъум хэлажьэхэрэ студентхэм джэгукIэ шIыкIэм тетэу правэм ылъэныкъокIэ шIэныгъэу яIэхэр къагъэлъэгъуагъэх.

Зэнэкъокъум изэфэхьысыжьхэм къызэрагъэлъэгъуагъэмкIэ, студентхэм шIэныгъэ дэгъухэр аIэкIэ­лъых. Анахь къахэщыгъэ­хэм ащыщ филологиемкIэ факультетым щеджэрэ Лаура Мирзоевар, апэрэ чIыпIэр ащ фагъэшъошагъ. ЯтIонэрэ чIыпIэр къэзы­хьы­гъэр экономи­кэмкIэ факультетым истуденткэу Анжелика Цимцба, ящэ­нэрэ чIыпIэр зыфагъэшъо­шагъэр юридическэ факультетым ще­джэрэ Владислав Тамазовыр ары.

ДЕЛЭКЪО Анет.