ЯмэфэкIкIэ тафэгушIо!
ЖъоныгъуакIэм и 25-м Урысые Федерацием и Къэралыгъо автоинспекцие пропагандэмкIэ икъулыкъу ыныбжь илъэс 89-рэ мэхъу.
Инспекцием итарихъ гъогу 1936-рэ илъэсым къыщежьэмэ, пропагандэр — 1932-рэ илъэсыр ары. ЗэрэхъурэмкIэ, инспекцием нахьи ар нахьыжъ. ГъогурыкIоныр щынэгъончъэным епхыгъэ Iофтхьабзэхэр цIыфхэм алъагъэIэсынхэм фэшI рабочэ-крестьянскэ милицием и ГъэIорышIэпIэ шъхьаIэ 1932-рэ илъэсым къыдигъэкIыгъэ шэпхъэ тхылъхэм апэрэу мы гущыIэм имэхьанэ къахэфагъ.
Непэ мы къулыкъур Къэралыгъо автоинспекцием чIыпIэ гъэнэфагъэ щызыубытырэ подразделениехэм ахэхьэ ыкIи зэреджэхэрэр — гъогурыкIоныр щынэгъончъэнымкIэ зэхэщэн, пропагандэ Iофхэм афэгъэзэгъэ отдел.
Отделым иIофышIэхэм пшъэрылъ шъхьаIэу яIэхэр непи зэхъокIыгъэхэп, ау хахъохэр афашIыгъэх. Ахэр: республикэм ишъолъыр щыхъурэ гъогу хъу- гъэ-шIагъэхэм язытет угъоигъэныр ыкIи зэфэхьысыжь къэбар шIыгъэныр, гъогухэм, урамхэм щынэгъончъэу цIыфхэр зэращызекIощтхэ шIыкIэхэр алъыгъэIэсыгъэнхэм пае социальнэ-пэшIорыгъэшъ пIуныгъэ-пропагандистскэ Iофтхьабзэхэр зэхэщэгъэнхэр, къэбарлъыгъэIэс амалхэм чанэу Iоф адэшIэгъэныр.
Адыгеим и Къэралыгъо автоинспекцие гъогурыкIоныр щынэгъончъэнымкIэ зэхэщэн, пропагандэ Iофхэм афэгъэзэгъэ отделым иIофышIэхэм ямэфэкIкIэ тафэгушIо, псауныгъэ пытэ яIэу, акIуачIэ илъэу, щынэгъончъагъэр агъэпытэу, щытхъу хэлъэу къулыкъур ахьынэу афэтэIо!
Александр Курпас.
АР-м хэгъэгу кIоцI IофхэмкIэ и Министерствэ гъогурыкIоныр щынэгъончъэнымкIэ Къэралыгъо автоинспекцием и ГъэIорышIапIэу Адыгеим щыIэм ипащ, полицием иполковник.