Адыгэ Республикэм щыпсэухэу лъытэныгъэ зыфэтшIыхэрэр! ТичIыпIэгъу лъапIэхэр! Славян тхыбзэмрэ культурэмрэ я Мафэ фэшI тышъуфэгушIо!

Тихэгъэгу ящэкIэнэрэу мыр щыхагъэунэфыкIы. Славян лъэпкъхэм ятарихъ зэрэзэпэблагъэр, ахэм гушъхьэлэжь ыкIи культурэ зыкIыныгъэ зэряIэр нахь къыхагъэщыным пае а мафэр агъэнэфэгъагъ.

ЦIыф лъэпкъыбэ зыщыпсэурэ Адыгэ РеспубликэмкIэ урысыбзэр лъэпкъ зэфэшъхьафхэр зэрэзэгурыIохэрэ бзэу зэрэщытым имызакъоу, культурэ кIэнышхом изы Iахьэу ыкIи цIыфхэр зэзыпхыхэрэ лъэныкъоу ар щыт. Урысыбзэм шIуагъэу иIэр, ащ идэхагъэ, ибаиныгъэ зыщыдгъэгъупшэхэ хъущтэп ыкIи тынаIэ тедгъэтын, тыфэсакъын фае.

ТичIыпIэгъу лъапIэхэр, зэкIэми тышъуфэлъаIо псауныгъэ пытэ шъуиIэнэу, Адыгеимрэ Урысыемрэ яфедэ зыхэлъ Iофэу жъугъэцакIэрэм гъэхъэгъакIэхэр щы­шъушIынхэу!

Мы мафэм текIоныгъакIэхэм шъуакъыфиIэтынэу, хэгъэгу культурэм ылъапсэхэм шъунаIэ нахь атырышъуигъэдзэнэу шъуфэтэIо!

Адыгэ Республикэм и ЛIышъхьэу, Урысые политикэ партиеу «Единая Россия» зыфиIорэм и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожный