Адыгэ Республикэм хэдзынхэмкIэ и Гупчэ комиссие я 98-рэ зэхэсыгъо мы мафэхэм иIагъ. Республикэм ирайонхэм ыкIи икъалэхэм ячIыпIэ комиссиехэм япащэ­хэр агъэнэфагъэх, нэмыкI упчIэхэри зэхафы­гъэх, унэ­шъо гъэнэфагъэхэр ашIыгъэх.

АР-м хэдзынхэмкIэ и Гупчэ комиссие унашъоу ышIыгъэм елъытыгъэу, Адыгэкъалэ хэ­дзынхэм­кIэ ичIыпIэ комиссие Ожъ Рус­­­лъан ипэщэнэу ха­дзыгъ. Политическэ партиеу «Единэ Россием» ар къы­гъэ­лъэ­гъуагъ. Джэджэ районымкIэ — Галина Самойловар, Кощхьэблэ районым­кIэ — Гъурыжъ Заре­мэ, Красногвардейскэ районымкIэ — Осмэн Руслъан, къалэу МыекъуапэкIэ — Татьяна Ларинар, Мые­къо­пэ районымкIэ — Лариса Шубинар, Тэхъутэмыкъое районымкIэ — Татьяна Цыцылинар, Теуцожь районымкIэ — Блэгъожъ Казбек, Шэуджэн районымкIэ — Чэныш Руслъан пащэу хадзыгъэх.

ЧIыпIэ хэдзэкIо комиссием хэхьащтхэм къыра­хьылIэгъэ тхылъхэр зэрифэшъуашэу ауплъэкIугъэх, АР-м хэгъэгу кIоцI IофхэмкIэ и Министерствэ икъулыкъушIэхэр яIэпыIэгъоу хьыкум Iоф ателъмэ зэрагъэшIагъ, ащ фэдэ къыхагъэщыгъэп.

ДЕЛЭКЪО Анет.