Спорт лъэпкъхэм ащыщэу «Кросс-кантри» зыфаIорэр зышIогъэшIэгъон цIыфхэм япчъагъэ къыхэхъо зэпыт.

НэмыкIхэм ар зэрате­кIырэр зэнэкъокъухэм ахэлажьэхэрэр велосипедхэм зэратесхэр ыкIи зэ­нэкъокъухэр къушъхьэтхы­хэм зэращызэхащэхэрэр ары. «Кросс-кантрир» зи­кIасэхэм яшIоигъоны­гъэкIэ а спорт лъэпкъыр Олимпийскэ джэгунхэм ахагъэхьагъ.

«Кросс-кантри» зэнэ­къо­къухэр тэ тикъушъхьэ­хэми ренэу ащызэхащэх. Джыри жъоныгъуакIэм и 22-м кIощтхэм ахэлэжьэщт спортсменхэр къэ­зэ­рэу­гъоигъэх. Адыгэ Рес­пуб­ликэм зекIонымкIэ и Комитет макъэ къызэригъэ­IугъэмкIэ, зэнэкъокъу­хэр псэупIэхэу Каменномостскэмрэ Даховскэмрэ апэмычыжьэу щырагъэ­кIо­кIыщтых. Ахэм ахэлэ­жьэщтхэм чIыпIэ дахэхэр къафыхахыгъэх, ау къа­чъыщт гъогухэм чыжьэу уздэкIоен чIыпIэхэр, узэ­чъэхыщтхэр, зэпыпчынкIэ къинхэр къахэфэщтых. Зэ­нэкъокъур зэхэзыщэ­хэрэм къушъхьэтхэу «Чертов палец» зыфиIорэм уезыщэлIэрэ къушъхьэ лъагъор ары спортсменхэм къафыхахыгъэр. Къы­загъэзэжьыкIэ, къушъхьэм хэт саугъэтхэм, чIыпIэ гъэ­шIэгъонхэм къа­щыуцу­хэзэ яплъыщтых.

НэкIубгъор зыгъэхьазырыгъэр Шъаукъо Аслъангуащ.