Адыгэ Республикэм хэдзынхэмкIэ и Гупчэ комиссие мы мафэхэм зэхэсыгъо иIагъ. Республикэм ирайонхэм ыкIи икъалэхэм хэдзынхэмкIэ чIыпIэ комиссиехэр ащыгъэпсыгъэнхэм атегущыIагъэх, унэшъо гъэнэфагъэхэр ашIыгъэх.

АР-м хэдзынхэмкIэ и Гупчэ комиссие исекретарэу ХьацIацIэ Фатимэ къызэриIуагъэмкIэ, гъэтхапэм и 25-м къыщегъэжьагъэу къалэхэм ыкIи районхэм хэдзынымкIэ чIыпIэ комиссиехэм ягъэпсын аублагъ. Гъэтхапэм и 27-м къыщегъэжьагъэу мэлылъфэгъум и 25-м нэс кандидатхэр къыхахыгъэх.

ДжырэкIэ Мыекъуапэ, Адыгэкъалэ, Мыекъопэ, Тэхъутэмыкъое, Теуцожь, Шэуджэн, Джэджэ, Красногвардейскэ ыкIи Кощхьэблэ районхэм хэдзынхэмкIэ чIыпIэ комиссиехэр агъэнэ­фагъэх.

Политикэ партиехэу «Коммунистическая партия Российской Федерации», Единая Россия», ЛДПР, «Справедливая Россия — патриоты за правду» зыфиIохэрэр ары хэдзыным хэлэжьэщтхэр. ДЕЛЭКЪО Анет.