Станицэу Дахъо ыкIи федеральнэ гъогоу «М4-Дон» ащашIынэу агъэнэфэгъэ зекIо-информационнэ ыкIи этнографическэ гупчэхэм япроектхэр гъэцэкIагъэ хъунхэм мэхьанэшхо зэриIэм Адыгэ Республикэм и ЛIышъхьэ ынаIэ тыридзагъ.

Мы лъэныкъом фэгъэзагъэхэ ведомствэхэм яIофшIэн агъэлъэ­шынэу КъумпIыл Мурат пшъэ­рылъ къыгъэуцугъ. Адыгеим культурэмкIэ и Министерствэрэ Адыгэ Республикэм зекIонымрэ зыгъэпсэфыпIэхэмрэкIэ и Комитетрэ этнокомплексхэр зыфэгъэзэгъэщтхэр къаугупшысынэу араIуагъ. Ащ зекIо къэкIуагъэм шIогъэшIэгъоныщтхэ къбархэр итыщтых. Республикэм, лъэп­къым, чIыпIэ дахэхэм афэгъэ­хьыгъэу гъэпсыгъэщт. Джащ фэдэу культурнэ ыкIи нэмыкI Iофтхьабзэхэр, мастер-классхэр ащашIыщтых.

— Мыщ фэдэ зекIо гуп­чэхэм яшIуагъэкIэ респуб­ликэр нахь къашIэжьыщт, зекIо отрас­лым хэхъоныгъэ­хэр ышIыщтых, IофшIэпIэ чIыпIакIэхэр щыIэхэ хъущтых. Ащ къыкIэлъыкIоу социальнэ Iо­фы­гъохэр зэшIотхынымкIэ мылъку нахьыбэу къытIэ­кIэхьащт, — къыIуагъ КъумпIыл Мурат.

(Тикорр.).