Я ХIХ-рэ лIэшIэгъум щыIэгъэ Кавказ заом хэкIодагъэхэм япхыгъэ шъыгъо-шIэжь Мафэр Адыгеим жъоныгъуакIэм и 21-м щыхагъэунэфыкIыщт.

Iофтхьабзэхэу агъэнэфагъэхэм атегъэпсыхьагъэу Адыгэ Республикэм гъэсэныгъэмрэ шIэныгъэмрэкIэ и Министерствэ жъоныгъуакIэм и 18-м къыщегъэжьагъэу и 21-м нэс зэхищэрэ зэнэкъокъум хэлэжьэнхэ алъэкIыщт гъэсэныгъэ зыщарагъэгъотырэ организациехэм ащеджэхэрэр. Я ХIХ-рэ лIэшIэгъум щыIэгъэ Кавказ заом хэкIодагъэхэм япхыгъэ шъыгъо-шIэжь Мафэм фэгъэхьыгъэ усэхэм ыкIи прозэкIэ тхыгъэ произведениехэм ахэр къяджэщтых.

Мы Iофтхьабзэм шъухэлэжьэным пае instagram-м зы такъикъым шIомыкIыщт видеоролик къижъугъэхьан шъулъэкIыщт, ащ мырэущтэу тетхэгъэн фае: #деньпамятиискорби, @minobr ra.