КъэгъэнэжьакIохэр джыри лъэхъух
Ставрополь къикIи зекIо Адыгеим къэкIогъэ хъулъфыгъэу Шъхьагуащэ ыхьыгъэм джыри къэгъэнэжьакIохэр лъэхъух.
Шъугу къэдгъэкIыжьын, мы тхьамыкIагъор жъоныгъуакIэм и 8-м хъугъэ, Астрахань щыщ хъулъфыгъэр псым зэрихьырэр иныбджэгъум зелъэгъум, IэпыIэгъу фэхъунэу фежьагъ, нэбгыритIури псым ичъэ лъэш ыхьыгъэх. Ахэм яхьадэхэр къагъотыжьыгъэх. Мы нэбгыритIур псым къыхихыжьынэу Ставрополь къикIыгъэ зекIор зыхэхьэм, ари ыхьыгъ.
Краснодар илъыхъон-къэгъэнэжьын отряд икъэгъэнэжьакIохэр мы уахътэм лъыхъон IофшIэнхэм къахэхьагъэх. Псыхъоу Шъхьагуащэ зэрычъэрэ чIыпIэхэу Мыекъопэ ГЭС-м къыщегъэжьагъэу Шытхьэлэ ГЭС-м нэс ахэр щылъыхъощтых.
Лъыхъон Iофтхьабзэхэм нэбгырэ 41-рэ, техникэ 12, псым зэрэтехьэхэрэ пкъыгъуи 3, цIыф зэрымыс быбырэ зы пкъыгъо хэлажьэх.