Урысые политикэ партиеу «Единэ Россием» зэхищэрэ Iофтхьабзэу «Звонок ветерану» зыфиIорэм къыдыхэлъытагъэу Урысые Федерацием и Федеральнэ ЗэIукIэ и Къэралыгъо Думэ идепутатэу Хьасанэкъо Мурат ТекIоныгъэм и МафэкIэ Хэгъэгу зэошхом иветеранхэм жъоныгъуакIэм и 9-м къафэгушIуагъ.

Парламентариер Кощхьэблэ районым ис ветеранхэм адэгущыIагъ. ЗыгъэгумэкIырэ Iофыгъохэм защигъэгъозагъ, ахэр зэрэзэшIуахыхэрэм ышъхьэкIэ гъунэ лъифынэу ариIуагъ.

«Урысые политикэ партиеу «Единэ Россиер» кIэщакIо зыфэхъугъэ Iофтхьабзэу «Звонок ветерану» зыфи­Iорэр мэфэ заулэ хъугъэу зэрэхэгъэгоу щызэрахьэ. Мыщ фэдэ патриотическэ Iофтхьабзэхэу «Единэ Россием» хэтхэм зэхащэхэрэм яшIуагъэкIэ тиветеранхэм зафэдгъэзэн тэ­лъэкIы. Хэ­гъэгу зэошхом фэгъэхьыгъэ къэбар тэрэзхэр къыткIэ­хъухьэхэрэм алъыдгъэIэсыныр типшъэрылъ лъапI, мы Iофым нэмыкI екIолIакIэ фызиIэхэм ягъогупэ пытыбзыкIын фае», — къыIуагъ Хьасанэкъо Мурат.