Лъэпкъ проектэу «Щынэгъончъэ ыкIи шэпхъэшIухэм адиштэрэ гъогухэр» зыфиIорэм къыдыхэлъытагъэу республикэм икъэлэ шъхьаIэ игъогухэр зэтырагъэпсыхьажьых.

2021-рэ илъэсым урамэу Шоссейнэр (урамэу Батарейнэр, Мыекъопэ районым игъунапкъэ нэс), урамэу Гаражнэр (Батарейнэм къыщегъэжьагъэу я 2-я Короткэм нэс), урамэу Герценым ыцIэ зыхьырэр (Адыгейскэм къыщыублагъэу Юннатхэм яурам нэс), урамэу Краснооктябрьскэр (Пионерскэм къыщегъэжьагъэу Пролетарскэм нэс), урамэу Димитровыр (Чкаловым ыцIэ зыхьырэм къыщегъэжьагъэу Юннатовхэм яурам нэс), урамэу 8 Мартэр (Пионерскэм къыщегъэжьагъэу Курганнэм нэс), урамэу Госпитальнэр (Пушкиным къыщегъэжьагъэу Пролетарскэм нэс), урамэу Тульскэр (Кирпичнэм къы­щегъэжьагъэу Пушкиным нэс), урамэу Кирпичнэр (Заводскоим къыщегъэжьа­гъэу Тульскэм нэс), урамэу Гагариным ыцIэ зыхьырэр (Калининым къыщегъэжьа­гъэу Привокзальнэм нэс), урамэу Ж. Поповам ыцIэ зыхьырэр Ворошиловым къы­щегъэжьагъэу 12 Мартэм нэс) ыкIи урамэу Леснаяр (Шэуджэным къыще­гъэжьагъэу Кубанскэм нэс) агъэкIэжьыщтых.

Поселкэу Западнэм гъогуих щызэтырагъэпсыхьажьыщт: урамэу Новэр (Юбилейнэм къыщегъэжьагъэу Весеннем нэс), урамэу Солнечнэр (Юбилейнэм къыщегъэжьагъэу Центральнэм нэс) ыкIи урамэу Центральнэр (Солнечнэм къыщегъэжьагъэу Новэм нэс).

Джащ фэдэу мы илъэсым станицэу Ханскэм иурамэу Краснооктябрьскэр (Революционнэм къыщегъэжьагъэу Заводскоим нэс), Гавердовскэм иурамэу Садовэр (Лениным къыщегъэжьагъэу маршрутэу N 14-м иаужырэ къэуцупIэ нэс) агъэкIэжьыщтых.

Федеральнэ ыкIи шъолъыр бюджетхэм къахэхыгъэ сомэ миллиони 198,2-м ехъу мыхэм апэIухьащт. Гъогу напцэхэр, гъогу зэпырыкIыпIэхэр зэтырагъэпсыхьащтых. ГъогурыкIоныр щынэгъончъэным фытегъэпсыхьэгъэ тамыгъэхэр агъэуцущтых.

Мыекъуапэ ыпэкIэ щагъэцэкIэжьыгъэ псэуалъэхэм апэIухьэгъэ мылъкум щыщ ахъщэу къагъэнэн алъэкIыгъэм ишIуагъэкIэ урамэу Привокзальнэр (Шэуджэным ыцIэ зыхьырэм къыщегъэжьагъэу Гагариным нэс) агъэцэкIэ­жьынэу щыт.

Проектнэ-сметнэ тхылъхэр хьазырых. IофшIэнхэр зыгъэцэкIэщтхэр аукцион шIыкIэм тетэу къыхахыгъэх. Урамэу Привокзальнэм игъэкIэжьын ыуж ихьагъэх.

Шъугу къэдгъэкIыжьын, 2020-рэ илъэ­сым графикэу агъэуцугъэм ыпэ ишъы­хэзэ Мыекъуапэ гъогу 14 зэрэщызэтырагъэпсыхьажьыгъэр. АР-м и ЛIышъхьэу КъумпIыл Мурат лъэпкъ проектым игъэцэкIэн лъэшэу ынаIэ тет.

Делэкъо Анет.