ЖъоныгъуакIэм зимэфэкIхэр
УФ-м ПенсиехэмкIэ ифонд и Къутамэу АР-м щыIэм пенсиер е нэмыкI ахъщэ тынхэр зыIэкIигъахьэхэрэм ащыщэу нэбгырэ 29-мэ яюбилей мы мазэу къихьагъэм хагъэунэфыкIыщт.
Ахэм ащыщэу нэбгырэ 20-мэ аныбжь илъэс 90-рэ, 9-мэ илъэс 95-рэ мэхъу. Анахьыбэр бзылъфыгъ — нэбгырэ 21-рэ.
ЗимэфэкIхэр зэкIэри Хэгъэгу зэошхом иветераных, хэлэжьагъэх е тылым щыIагъэх, щыIэныгъэ гъогу гъэшIэгъон къэзыкIугъэхэр, обществэм ыпашъхьэ гъэхъэгъэ инхэр щызышIыгъэхэр, Адыгеим имызакъоу, хэгъэгум социальнэ ыкIи экономикэ хэхъоныгъэхэр ышIынхэм зиIахь мымакIэу хэзылъхьагъэхэр ахэтых.
Зэрэхабзэу, юбилярхэм УФ-м и Президентэу Владимир Путиныр къызщафэгушIорэ тхылъхэр къаIукIэщтых. ПенсиехэмкIэ фондым и Къутамэ иIофышIэхэри афэгушIох, псауныгъэ яIэу джыри бэрэ ягупсэхэм ашъхьагъ итынхэу афэлъаIох!
УФ-м ПенсиехэмкIэ ифонд и Къутамэу АР-м щыIэм ипресс-къулыкъу