«Олимп» Тольятти — «АГУ-Адыиф-2» Мые­- к­ъуапэ — 24:25 (13:11). Мэлылъфэгъум и 27-м Тольятти щызэдешIагъэх.

«Адыиф-2»: Никулина — 6, Логвиненко — 4, Къэбж — 2, Коваленко — 1, Казанджян — 8, Гильфанова — 2, Добарджич — 2; къэлэпчъэIутхэр: Пивнева, Скнарь.

ЕшIэгъур аухынкIэ такъикъи 10 къэнагъэу пчъагъэр зэрэлъы­кIуатэщтыгъэр: 20:21, 21:21, 22:22. Тикъикъи 6 къызэнэм, пчъагъэр 22:23 хъугъэ. Я 56-рэ такъикъым «Олимпым» иешIакIо къэлапчъэм Iэгуаор дидзагъ — 24:23. Я 57-рэ такъикъым Казанджян хъагъэм Iэгуаор ридзагъ — 24:24. ЗэIукIэгъур аухынкIэ такъикъитIу къызэнэм, Никулинам хъагъэм Iэгуаор ридзагъ — 24:25.

«Олимпыр» пчъагъэм емы­зэгъэу ыпэкIэ илъыщтыгъ. «Адыиф-2-м» икъэлапчъэ заулэрэ къыдэуагъ. ТиухъумакIохэу Гильфановам, Васильевам, нэмыкI­хэм Iэгуаор къызэкIадзэжьыгъ.

«Олимпым» иешIакIохэу Шулятьевам — 7, Васильевам — 5, Волчок — 5 «Адыиф-2-м» икъэлапчъэ Iэгуаор къыдадзагъ, зэ­IукIэгъур 24:25-у аухыгъ.

ЯтIонэрэ ешIэгъур

«Олимп» — «Адыиф-2» — 23:30 (11:17). Мэлылъфэгъум и 28-м Толь­ятти щызэдешIагъэх.

«Адыиф-2»: къэлэпчъэIутхэр: Скнарь, Черницова, Пивнева; ешIакIохэр: Никулина — 5, С. Морозова — 2, Цепова — 3, Логвиненко — 2, Къэбж — 2, Коваленко — 1, Казанджян — 7, Гильфанова — 2, Добарджич — 4, Якимчук — 2.

ЯтIонэрэ зэIукIэгъум ­«Адыиф-2-м» ухъумэн Iофыгъохэр нахь дэгъоу щигъэцэкIагъэх. Ащ ишIуа­гъэкIэ тиешIакIохэр мыгумэкIыхэу апэкIэ илъыщтыгъэх, хъагъэм Iэгуаор радзэнымкIэ шIыкIэшIухэр къагъотынхэ алъэкIыщтыгъ.

ЕшIэгъу пэпчъ Д. Никулинам, А. Казанджян хъагъэм Iэгуаор бэрэ радзэ, щысэшIу къагъэ­лъагъо.

Хэт тыдэ щыIа?

Апшъэрэ купым хэт клубхэу я 9 — 18-рэ чIыпIэхэм афэбанэхэрэр чIыпIэу зыдэщытхэр, очко пчъагъэу яIэр зэтэгъапшэх.

1. «АГУ-Адыиф-2» — 52 2. «Ставрополье» — 34 3. «Олимп» — 31 4. «Динамо-3» — 30 5. «Кубань-3» — 30 6. «Луч-2» — 27 7. «Ростов-Дон-3» — 27 8. «Звезда-УОР» — 24 9. ЦСКА-3 — 24 10. «СШ N 13-Алиса» — 17.

Клубэу «Адыиф-2-м» чIэнагъэ ымышIэу зэнэкъокъум зэрэщы­лъыкIуатэрэм тегъэгушIо. Анахь дэгъоу ешIэрэ пшъашъэхэр супер­лигэм хэт «АГУ-Адыифым» шIэхэу щытлъэгъущтых.