IофшIапIэхэм аIухьажьыгъэх
Зыныбжь илъэс 65-м шъхьэдэкIыгъэхэу Iоф зышIэхэрэр пан-демием ыпкъ къикIыкIэ охътэ кIыхьэм къыкIоцI больничнэм щысынхэ е пэIудзыгъэ шIыкIэм тетэу Iоф ашIэн фаеу хъугъэ.
Адыгэ Республикэм и ЛIышъхьэ и Указэу ахэм афэгъэхьыгъэм ыкIуачIэ мэлылъфэгъум ыкIэхэм лъагъэкIотагъэп.
Адыгэ Республикэм социальнэ страхованиемкIэ и Фонд ипащэу Натхъо Разыет къызэритыгъэмкIэ, Iоф ашIэн зэрамылъэкIыгъэм епхыгъэу зигугъу къэтшIыгъэхэм больничнэмкIэ къатефэрэ ахъщэр икъоу къафатIупщыгъ.
Тестхэр акIунхэмкIэ, цIыфхэм вакцинэхэр ахалъхьанхэмкIэ Iофхэр нахь агъэлъэшынэу, зыныбжь хэкIотагъэхэри, илъэс 65-м шъхьадэкIыгъэхэу Iоф зышIэхэрэри ахэм къахырагъэубытэнэу Адыгэ Республикэм и ЛIышъхьэ пшъэрылъ афишIыгъ. Джащ фэдэу кIэлэцIыкIухэм япсауныгъэ зыщагъэпытэрэ лъэхъаным зэпахырэ узхэр къапымыхьанхэмкIэ ищыкIэгъэ амалхэр зэрахьанхэу ащ афигъэпытагъ.