Адыгэ Республикэм ис быслъымэнхэу лъытэныгъэ зыфэтшIыхэрэр!

ТичIыпIэгъу лъапIэхэр!

НэкIмазэр зэрэшъуухыгъэмкIэ, Бирам мэфэкIымкIэ тышъуфэгушIо!

ЛIэшIэгъубэ хъугъэу мы мэфэкI лъапIэм цIыфхэм агу шIур, гукIэгъур, лъытэныгъэр къырелъхьэ, тихэгъэгу щыпсэурэ лъэпкъхэм якультурэ къегъэбаи, ислъам диным шIуагъэу пылъхэр къегъэнафэ.

Бирам мэфэкIыр быслъымэнхэм ягушъхьэлэжьыгъэ зыкъегъэIэтыгъэным, цIыфыгъэ, зэ­фагъэ, гукIэгъу ахэлъыным афэIорышIэ, лIэшIэгъу пчъагъэхэм къакIоцI зэгъунэгъу зэфы­щытыкIэу азыфагу илъ хъугъэр къэухъумэгъэным, цIыфхэу фэныкъохэм IэпыIэгъу ягъэгъо­тыгъэным афегъасэ.

Тиобществэ игушъхьэлэжьыгъэ зыкъегъэIэтыгъэнымкIэ, лъэпкъ, дин зэгурыIоныгъэр къэу­хъумэгъэнымкIэ, цIыфыгъэ ахэлъэу ныбжьыкIэхэр пIугъэнхэмкIэ Адыгэ Республикэм ис быс­лъымэнхэм афэлъэкIыщтыр зэкIэ ашIэ.

Ныбджэгъу лъапIэхэр, гушIуагъорэ насыпрэ къышъобэкIэу шъупсэунэу, щыIэкIэшIу шъуиIэнэу тышъуфэлъаIо! Бирам мэфэкIым унагъо пэпчъ мамыр щыIакIи, зэгурыIоныгъи, псауныгъи къыферэхь!

Адыгэ Республикэм и ЛIышъхьэу, Урысые политикэ партиеу «Единэ Россием» и Адыгэ шъолъыр къутамэ и Секрета­рэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожный