«Зэкъошныгъ» Мыекъуапэ – «Легион-Динамо» Махачкала – 0:1.

ЖъоныгъуакIэм и 4-м Мыекъуа­пэ щызэдешIагъэх.

«Зэкъошныгъ»: Гиголаев, Такълый, Подковыров, Хьагъур, Палажнов, Букия (Дыхъу, 79), Крылов (Хьасаныкъу, 62), Газиты, Антоненко, Андрейченко, Бабенко.

Къэлапчъэм Iэгуаор дэзыдзагъэр: Кадиев – 3, «Легион».

«Легионыр» хагъэунэфыкIырэ чIыпIэхэм афэбанэ. «Зэкъошныгъэм» иешIэкIо анахь дэгъухэм ащыщхэу Ашэ Анзор, Къонэ Амир зэIукIэгъум хэлэжьагъэхэп. Арэу щытми, командэм ешIэкIэ дэгъу къыгъэлъэгъуагъ.

– «Зэкъошныгъэр» ыпэкIэ илъызэ, «Легионым» иешIакIохэр бэрэ ыгъэгумэкIыгъэх, ау къэлапчъэм Iэгуаор дидзэн ылъэкIыгъэп, – къытиIуагъ клубым итренер шъхьаIэу Ешыгоо Сэфэрбый. – Гум къео амалышIухэр агъэфедэнхэ зэрамылъэкIыгъэр.

ЕшIэгъур заублэм, «Зэкъошны­гъэм» иухъумакIохэр зэгурымы­Iохэу хэукъоныгъэ ашIыгъ. Кадиевым Iэгуаор къызыIэкIахьэм, псынкIэу хъагъэм дидзагъ. «Зэкъош­ныгъэм» ешIэгъур шIуа­хьи, ауж къинэрэ команди 4-мэ къахэкIыжьыныр нахь хьылъэ хъугъэ.

ЗэIукIэгъухэр

«Динамо» — «Анжи» — 3:2, «Махачкала» — «Спартак» — 3:2, «Кубань» — «Черноморец» — 1:0, «Форте» — «Краснодар-3» — 0:0, «Мэщыкъу» — «Кубань-Холдинг» — 1:2, «ТIуа­псэ» — «Ессентуки» — 2:0, «Интер» — «Биолог» — 0:5.

Зэтэгъапшэх

Я 27-рэ ешIэгъухэм ауж футбол клубхэр чIыпIэу зыдэщытхэр, очко пчъагъэу яIэр зэтэгъапшэх.

1. «Кубань-Холдинг» — 64 2. «Кубань» — 62 3. «Черноморец» — 53 4. «Легион» — 53 5. СКА – 50 6. «Анжи» — 38 7. «Махачкала» — 36 8. «Динамо» — 35 9. «Форте» — 35 10. «Спартак» — 34 11. «Мэщыкъу» — 29 12. «Краснодар-3» — 26 13. «Биолог» — 24 14. «Зэкъошныгъ» — 19 15. «Интер» — 18 16. «ТIуапсэ» — 13 17. «Ессентуки» — 13.

ЖъоныгъуакIэм и 10-м «Зэ­къош­ныгъэр» Краснодар щыIу­кIэщт «Краснодар-3-м».