Мэлылъфэгъум и 27-м къыщегъэжьагъэу мэкъуо­гъум и 22-м нэс ветеранхэм IэпыIэгъу афэхъугъэным фытегъэпсыхьэгъэ урысые Iофтхьабзэу «Красная гвоздика» зыфиIорэр Адыгеим щыкIощт. «Память поколений» зыфиIорэр икIэщакIоу илъэс къэс ар зэхащэ.

Ащ ухэлэжьэным фэшI тамыгъэу «Красная гвоздика» зыфиIорэр онлайнэу пщэфын фае. ЩэпIэ тучанхэм, «Урысыем и Почтэ» икъутамэхэм ар ащыбгъотын плъэкIыщт. Джащ фэдэу волонтерхэм ахъщэ яптыми къыуатыщт.

Ащэгъэ тамыгъэ пэпчъ ветеранхэм IэпыIэгъу афэхъугъэным изы Iахь мэхъу, Iэзэгъу уцхэр афащэфынхэм, медицинэ IэпыIэгъу арагъэгъотыным фэIорышIэ. Мыр тамыгъэ къодыеу щытэп, ащ къэралыгъор ветеранхэм зэрафэразэр къеушыхьаты.

2018-рэ илъэсым къыщегъэжьагъэу «ТекIоныгъэм иволонтерхэр» зыфиIорэ движениер яIэпыIэгъоу Iофтхьабзэр зэхащэ.

Абрэдж Сэтэнай.