КIэлэцIыкIу зэрыс унагъохэм IэпыIэгъоу къэралыгъом къа­­ритыщтым блэкIыгъэ 2020-рэ илъэсым УФ-м и Прези­дентэу Владимир Путиным Джэпсалъэу къышIыгъагъэм къыщыхигъэщыгъагъ, пшъэрылъхэр къыгъэнэфэгъагъэх.

Джыри мыгъэ анахь игъэкIотыгъэу къызтегущыIагъэхэм ар ащыщ.

Тызыхэт илъэсым ишы­шъхьэIу мазэ еджапIэм чIэсэу е мыгъэ чIэхьанэу сабый зиIэхэм, ахэр илъэ­сыкIэ еджэгъум фагъэхьазырынхэм пае, нэбгырэ пэпчъ сомэ мин пшIырыпшI къэралыгъом къыфитIупщыщт. УФ-м IофшIэнымкIэ ыкIи цIыфхэр социальнэу къэухъумэгъэнхэмкIэ иминистрэу Антон Котяковым къызэриIуа­гъэмкIэ, ар унэгъо милли­­он 17-мэ анэсыщт. Къэ­ра­лыгъо фэIо-фашIэхэм япор­тал лъэIу тхылъыр щатынэу ары ныIэп ищыкIагъэр.

Мы IэпыIэгъум сомэ миллиарди 170-рэ фэдиз къэралыгъом пэIуигъэ­хьащт.

Ным е тым изакъоу сабыир ыпIоу бэрэ къы­хэкIы. Ащ фэдэ чIыпIэ итхэми хэушъхьафыкIы­гъэу джы къэралыгъор адеIэщт. Унагъом мазэм гъотэу иIэр ащ исым пэпчъ тебгуащэу, зы нэ­бгырэм тефэрэр узэрэ­псэун плъэкIыщт ахъщэ анахь макIэм нэмысырэмэ, 2020-рэ илъэсым ибэдзэогъу и 1-м къы­щыублагъэу мазэ къэс ахъщэ тын къыфэкIонэу ыгъэпсын фит. Ар, гурытымкIэ лъытагъэу, сомэ 5650-рэ зэрэхъущтыр.

Бзылъфыгъэу сабый къыфэхъунэу ежэу, щы­Iэныгъэм чIыпIэ къин ри­гъэуцуагъэхэми къэралыгъор ахъщэкIэ адеIэщт. Ахэм мазэ къэс сомэ 6350-рэ къафэкIонэу агъэ­псын алъэкIыщт.