Дунэе Iофтхьабзэу «Сад памяти» зыфиIо­рэм Адыгеир хэлэжьагъ.

Адыгэ Республикэм ыкIи Пшызэ шъолъыр ащыпсэухэрэ быслъымэнхэм я ДиндэлэжьапIэ, Адыгэ епархием, Мыекъопэ къэлэ администрацием ялIыкIохэр ащ кIэщакIо фэхъугъэх. «Зэкъошныгъэм» ыкIи «ЗыкIыныгъэмрэ Зэгуры­Iоныгъэмрэ» ягупчэхэм чъыг лъэпкъ зэфэшъхьаф 14 аща­гъэтIысхьагъ.

— Тятэжъхэу, тятэхэу Хэ­гъэгу зэошхом илъэхъан ти­къэралыгъо къэзыухъумагъэхэм яшIэжь дгъэлъапIэу непэ мы чъыгхэр дгъэтIысхьагъэх. Мы Iоф­тхьабзэм ишIуагъэкIэ ахэм лIыхъужъныгъэу зэрахьагъэр къэлэдэсхэм ягукъэкIы­жьыщт, — къыIуагъ Адыгэ рес­публикэм ыкIи Пшызэ шъолъыр ащы­псэухэрэ быслъымэнхэм ямуфтиеу Къэрдэн Аскэрбый.

Лъэпкъ проектэу «Эколо­гием» къыдыхэлъытэгъэ Дунэе Iофтхьабзэу «Сад памяти» зы­фиIорэр апэрэу икIыгъэ илъэсым зэхащагъ. Ащ пшъэрылъ шъхьаIэу иIэр заом хэкIодэгъэ тидзэкIолI нэбгырэ миллион 27-мэ яшIэжь гъэлъэпIэгъэныр ыкIи нэбгырэ пэпчъ чъыг фагъэтIысхьаныр ары.

Iэшъынэ Сусан. Сурэтыр Iэшъынэ Аслъан ты­рихыгъ.