Коронавирусым пэуцужьырэ вакцинэр къэралыгъом щыпсэурэ цIыф­хэм ахэлъхьэгъэным мэхьанэшхо зэриIэр Урысые Федерацием и Президентэу Владимир Путиным ипсалъэ пчъагъэрэ къы­щыхигъэщыгъ, ащкIэ щысэ къыгъэлъагъозэ ежь ышъхьэкIи прививкэ за­ригъэшIыгъ.

Урысыем инэмыкI шъолъырхэм афэдэу ­Адыгэ Республикэми вакцинациер щэкIо. Прививкэр зыщябгъэшIын плъэкIыщт чIыпIэхэр му­ници­палитетхэм зэкIэми къащызэ­Iуахыгъэх, ахэм къяо­лIэрэ цIыфхэм яфэIо-фашIэхэр зэрифэ­шъуашэу афагъэцакIэх. Джащ фэдэу мобильнэ пунктхэми Iоф ашIэ.

Вакцинэр зыхябгъэлъхьаным пае паспортымрэ СНИЛС-мрэ ныIэп пIы­гъынхэу ищыкIагъэр.

Непэрэ мафэхэм ехъулIэу мы лъэныкъомкIэ Iофхэм язытет на­хьышIу хъугъэ нахь мышIэми, коронавирусыр цIыфхэм къапыхьаным ищынагъо джыри щыI. Арышъ, шъузфэсакъыжь, шъуипсауныгъэ шъулъыплъ.

(Тикорр.).