COVID-19-м пэуцужьырэ вакцинэм ихэлъхьан етIупщыгъэу республикэм щэкIо. Ащ фытегъэпсыхьэгъэ мобильнэ пунктхэми Iоф ашIэ. Мэлылъфэгъум и 24 – 30-м пчэдыжьым сыхьатыр 10-м къыщегъэжьагъэу мафэм 3-м нэс Лениным ыцIэ зыхьырэ пчэгум дэжь ар къэуцущт. ЖъоныгъуакIэм и 3 – 7-м (сыхьатыр 10 — 15-м) къэлэ паркым идэхьэгъу дэжь щытыщт.

Джащ фэдэу, къэлэдэсхэм прививкэр щарагъэшIын алъэкIыщт Мыекъо­пэ къэлэ поликлиники 5-у мы адресхэм атетхэм: ур. Комсомольскэр, 159, Чкаловым иур., 77, я 7-рэ переулкэр, 16, Жуковскэм иур., 18, ст. Ханскэр, Верещагиным иур., 111.

ШIоигъоныгъэ зиIэ пстэуми привив­кэр зыхарагъэлъхьан алъэкIыщт, ащ ищыкIагъэр паспортымрэ СНИЛС-мрэ.

Шъугу къэдгъэкIыжьын, эпидемиологием изытет нахьышIу хъугъэ нахь мышIэми, коронавирусыр къытпыхьаным ищынагъо джыри къытшъхьарыт. Iофыгъом ихэкIыпIэр узым иммунитет фытиIэныр ары. Прививкэр зыхябгъалъ­хьэмэ, ар уиIэщт. Шъуипсауныгъэ шъуфэсакъ!

Iэшъынэ Сусан. Сурэтыр Iэшъынэ Аслъан тыри­- хыгъ.