Красногвардейскэ районым щыригъэблэгъагъэх
УФ-м ПенсиехэмкIэ ифонд и Къутамэу АР-м щыIэм ипащэу МэщлIэкъо Хьамидэ Красногвардейскэ районым щыIэу цIыфхэр ригъэблэгъагъэх.
КъекIолIагъэхэм янахьыбэр пенсиехэм ягъэпсын, къызэралъытэхэрэм, къызэраIэкIэхьащтым япхыгъэ Iофхэр ары зыгъэгумэкIыщтыгъэр. ЗэкIэми джэуап е IэпыIэгъу агъотыгъ. ГущыIэм пае, ипенсие шIомакIэу, нахьыбэу къытефэу зылъытэрэ хъулъфыгъэу Къутамэм ипащэ зыкъыфэзгъэзагъэм иIоф зэхэфыгъэ хъуным пае, ащ IофшIэгъэ илъэсэу иIэмрэ илэжьапкIэ зыфэдизыгъэмрэ зыщыкIэупчIэхэрэ тхылъхэр нахьыпэкIэ зыщыпсэущтыгъэ Казахстан Республикэм ыкIи Урысые Федерацием икъэлэ зэфэшъхьафхэм агъэхьыгъэх.
Къутамэм ипащэ жъоныгъокIэ мазэм Кощхьэблэ районым кIощт. Ащ и 20-м, пчэдыжьым сыхьатыр 10-м щыублагъэу 11-м нэс, цIыфхэр ригъэблэгъэщтых.
УФ-м ПенсиехэмкIэ ифонд и Къутамэу АР-м щыIэм ипресс-къулыкъу.