Адыгеим къызэрэщыфэбэжьэу уз хьылъэхэр зезыхьэрэ бамыкIхэр къежьэжьых.

Мэлылъфэгъум и 14-м ехъулIэу ба­мыкI­хэр къяцэкъагъэу медицинэм иучреждениехэм нэбгырэ 13 къяолIагъ, ахэм сабыи 4 ахэт. Мыекъуапэ, Мыекъопэ ыкIи Джэджэ районхэм ащыпсэухэрэм бамыкIхэр къяцэкъагъэхэу ащагъэунэ­фыгъ.

— БамыкIхэм зэрахьэрэ узхэр цIыфхэм къапымыхьанымкIэ анахь мэхьанэ зиIэ пэшIорыгъэшъ Iофтхьабзэхэм ащыщых фыжьышъо щыгъынхэр зыщыплъэнхэр, Iэмэ-псымэхэр хэушъхьафыкIыгъэу гъэкъэбзэгъэнхэр, нэмыкIхэри, — къыщаIуагъ Роспотребнадзорым и ГъэIорышIапIэу Адыгэ Рес­публикэм щыIэм.

Абрэдж Сэтэнай.