Унагъоу сабый къызэрыхъухьагъэм ахъщэ IэпыIэгъу етыгъэным фы­те­гъэ­псыхьэгъэ проектым къыдыхэлъытагъэу кIэлэцIыкIу къызыфэ­хъу­гъэхэм ахъщэкIэ адеIэх.

— Илъэсэу тызыхэтыр къызихьагъэм къыщыублагъэу ящэ­нэрэ ыкIи ащ къыкIэлъыкIорэ сабыир къафэхъугъэу шъо­лъыр ны мылъкум къыдэлъы­тэгъэ зэ­тыгъо сомэ 50000-р къы­зы­фэкIуагъэр унэгъо 346-рэ мэхъу. БлэкIыгъэ илъэсым мыщ фэдэ иуахътэ егъэпшагъэмэ, ар 64-кIэ нахьыб. Мыщ фэдэ IэпыIэгъу унагъохэм ятыгъэным республикэм ибюджет къыхи­хыгъэу сомэ миллион 17,3-рэ пэIуигъэхьагъ, — къыIуагъ АР-м IофшIэнымкIэ ыкIи социальнэ хэхъоныгъэмкIэ иминистрэ игуа­дзэу Ирина Ширинам.

Зэтыгъо ахъщэ тынэу сомэ 50000-р унагъохэм псэукIэ амал тэрэзхэр яIэным, сабыир къызэрафэхъугъэм ыпкъ къикIэу ящыIакIэ нахь дэй мыхъуным фытегъэпсыхьэгъэ Iофтхьабзэ­хэм зэу ащыщ. Министерствэм къызэрэщаIуагъэмкIэ, мы Iэпы­Iэгъур къыуатыным пае цIыфхэр социальнэу къэухъумэгъэнхэм фэгъэзэгъэ учреждениеу узщы­псэурэ чIыпIэм пэблагъэм уекIолIэн фае. Нымрэ тымрэ зыщытхыгъэ чIыпIэм сабыеу къэхъугъэри щябгъэтхынэу ары ныIэп ащ ищыкIагъэр.