Мэлылъфэгъум и 21-р — чIыпIэ зыгъэIорышIэжьыным и Маф
Муниципалитетхэм ядепутатхэу, Адыгэ Республикэм ихабзэ имуниципальнэ къулыкъухэм яIофышIэхэу, яветеранхэу лъытэныгъэ зыфэтшIыхэрэр!
ЧIыпIэ зыгъэIорышIэжьыным и Мафэ фэшI тышъуфэгушIо!
Муниципальнэ хэбзэ къулыкъухэу цIыфхэмрэ къэралыгъомрэ зэзыпхыхэрэр чIыпIэ мэхьанэ зиIэ пшъэрылъхэм ягъэцэкIэн фэгъэзагъэх. Ахэр непэ яIофшIэн зэрегугъухэрэм бэкIэ елъытыгъэщт цIыфхэр зыгъэгумэкIырэ Iофыгъохэр зэшIохыгъэ зэрэхъущтхэр, ахэм щыIэкIэ-псэукIэу яIэщтыр.
Экономикэми, социальнэ лъэныкъоми, ЖКХ-ми, нэмыкI лъэныкъохэми Iофыгъо къызэрымыкIохэр мафэ къэс ащызэшIуахыхэзэ, чIыпIэ зыгъэIорышIэжьынымкIэ къулыкъухэм яIофышIэхэм цIыфхэм щыIэкIэ амалэу яIэхэр нахьышIу ашIы, республикэми, хэгъэгуми яхэхъоныгъэ яIахьышхо хашIыхьэ.
ЧIыпIэ зыгъэIорышIэжьынымкIэ къулыкъухэм Iоф зэрашIэрэм елъытыгъэщт цIыфхэм хабзэм цыхьэу фашIыщтыр, чIыпIэ, къэралыгъо мэхьанэ зиIэ Iофыгъошхохэм ахэлэжьэнхэм ахэр зэрэфэхьазырыщтхэр.
ЧIыпIэ зыгъэIорышIэжьынымкIэ къулыкъухэм яIофышIэхэм шIэныгъэу, опытэу, IэпэIэсэныгъэу яIэр зигъо пшъэрылъхэм язэшIохын тапэкIи зэрэфагъэIорышIэщтым, ягухэлъышIухэр къазэрадэхъущтым тицыхьэ телъ.
Ныбджэгъу лъапIэхэр, псауныгъэ пытэ шъуиIэнэу, шъуиIофшIэн гъэхъэгъакIэхэр щышъушIынэу, шIоу щыIэр зэкIэ къыжъудэхъунэу тышъуфэлъаIо!
Адыгэ Республикэм и ЛIышъхьэу, Урысые политикэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет – Хасэм и Тхьаматэу Владимир Нарожный