Партиеу «Единэ Россием» и Тхьаматэу Д. А. Медведевым ишъолъыр, ичIыпIэ общественнэ приемнэхэу Адыгэ Рес­публикэм щыIэхэм мэлылъфэгъум и 26-м къыщегъэжьа­гъэу и 30-м нэс социальнэ-правовой IофыгъохэмкIэ цIыфхэм ягумэкIыгъохэр ащызэрагъэшIэщтых.

Iофтхьабзэм хэлэжьэщтых Къэралыгъо Думэм идепутатхэр, сенаторхэр, Адыгэ Республикэм и Къэ­ралыгъо Совет – Хасэм, республикэм имуниципальнэ образованиехэм янароднэ депутатхэм я Советхэм ядепутатхэр, «Единэ Россием» ифракцие идепутатхэр, федеральнэ партийнэ проектэу «Тинахьыжъхэр» зыфиIорэм Адыгэ РеспубликэмкIэ икоординатор, гъэцэкIэкIо хабзэм икъулыкъухэмрэ ведомствэхэмрэ ялIыкIохэр. Онлайн шIыкIэм тетэу ар зэхащэщт.

Iофтхьабзэм изэхэщакIохэр Урысые Федерацием социальнэ страхованиемкIэ и Фондрэ Урысыем пенсиехэмкIэ и Фондрэ.

Электрон почтэу op@adygei.er.ru зыфиIорэмкIэ яупчIэхэр аIэкIагъэхьан алъэкIыщт. Джащ фэдэу линие плъырым ителефонхэу 8(8772)52-76-02-м, 8(8772)52-76-03-м мафэ къэс сыхьатыр 10-м къыще­гъэжьагъэу 17-м нэс (сыхьатыр 13-м къы­ще­гъэжьагъэу 14-м нэс язэпыугъу, шэмбэтымрэ тхьаумафэмрэ языгъэпсэфыгъо мафэх) Iоф ашIэщт. Skype, VIber, WhatsApp зыфиIорэ амалхэри къызфагъэфедэн алъэкIыщт.